Ermənistanın baş naziri Nikol Paşinyan hesab edir ki, regionda müharibənin yenidən başlaması təhlükəsi həmişə mövcuddur və buna hazır olmaq lazımdır. Lakin onun fikrincə Rusiya imkan verməz ki, Azərbaycan müharibəyə başlasın. “Hamı başa düşür ki, Rusiya super dövlət kimi regionda müharibənin başlamasına yol verməmək üçün imkanlara malikdir. İnanmıram ki, Ermənistanın dostu və strateji müttəfiqi Rusiya müharibənin başlamasına yol verməmək üçün öz rıçaqlarından istifadə etməsin. Hamı kimi mən də əminəm ki, Rusiya Azərbaycanın müharibəyə başlamasına yol verə bilməz” - Paşinyan deyib.
Paşinyan bununla nə demək istəyir? Bu cür sözlərlə, Paşinyan Ermənistanın Azərbaycan qarşısında gücsüz olduğunu etiraf edirmi?
Bildiyiniz kimi, Paşinyan inqilab nəticəsində, yəni Rusiyanın birbaşa adamı olan Serj Sarkisyanı devirərək hakimiyyətə qəlmiş bir “siyasətçidir” və onun hakimiyyətə gəlməsi Rusiyanın istəyilə olmadığı ücün birmənalı qarşılanmır və Paşinyan qərb yönümlü adam kimi qəbul edilir. Yəni Rusiya Ermənistana əvvəlkindən fərqli olaraq daha az inanır və hər an satqınlıq gözləyir. Bu barədə dəfələrlə Rusiya KİV-də məlumatlar yer aldı. Lakin Paşinyan regionda Ermənistanın tək dostu və havadarı Rusiyanın ondan tamamən əlini cəkdiyi zaman ölkəsinin vəziyyətinin nə dərəcə ağır olacağını başa düşür və bunun üçün də Rusiyaya yaltaqlanmaq niyyətiylə mən bilirəm ki, “Əsirlər boyu bizə dost olmuş Rusiya imkan verməz ki, Azərbaycan müharibəyə başlasın”. Yəni bizim böyüyümüz olan Rusiya bizi düşmənin caynağına atmaz fikri yürütmək istəmişdir. Lakin bu sözləri deyərkən belə Paşinyan onun hazırki siyasətini Rusiyanın dəstəkləmədiyi bilir və Ermənistanın hər zaman Rusiyaya münasibətdə yürütdüyü siyasəti dəyişməyəcəyini bəyan edərək Putinə bir növ “mən də Sarkisyan kimi sizə qulluq edəcəyəm” mesajını göndərir.
Əlbətdə ki, Paşinyan Qarabağ məsələsinin nə dərəcədə çətin mərhələdə olduğunu anlayır. Hakimiyyəti ələ keçirdiyindən bu yana Azərbaycan addım-addım irəliləyərək işgal olunmuş əraziləri azad edir. Bu siyasi baxımdan Paşinyan hakimiyyətinin Qarabağ məsələsində nə dərəcədə gücsüz olduğunu göstərir. Ona görə də hər cıxışında Azərbaycanın təxribatlara əl atdığını, müharibəni başlamaq istədiyini, hər cür kompromisdən çəkindiyini və müharibənin həllini istəmədiyini bəyan edir. Təbii ki, Paşinyan bu bəyanatları özünü sığortalamaq ücün edir, çünki Ermənistanın Azərbaycan dövləti, onun əsgəri və ordusu qarşısında tək tab gətirə bilməyəcəyini gözəl anlayır. Yəni Azərbaycan və Ermənistan təkbətək müdaxilə olmadan müharibəyə başlasa kimin uduzacağı açıq-aşkar aydındır və bu da Paşinyanın hələ tam olaraq baş nazir kreslosunda rahatlıq tapmadan oranı tərk etməsi deməkdir.
Ramiyə Məmmədova, politoloq, Qərbi-Kaspi Universitetinin dekanı