Böyük Britaniya Parlamentinin 432 üzvündən 202 nəfəri Tereza Meyin təklif etdiyi Brexit müqaviləsinin əleyhinə səs verib. Deməli, Britaniyanın Aİ-dən keçən ilin may ayından noyabr ayına kimi çıxmağa dair hökumət və Aİ arasında əldə olunmuş Saziş elə ilk maneədə uğursuzluğa uğradı. Müqavilə qüvvəyə minməzdən əvvəl Böyük Britaniya və Avropa Parlamentləri tərəfindən təsdiq edilməlidir. Səsvermə dekabr ayında baş tutacaqdı, lakin xanım Mey daha çox deputatın dəstəyini qazanmağa çalışdığı üçün onu gecikdirdi.
Beynəlxalq Avrasiya Mətbuat Fondunun prezidentinin köməkçisi, siyasi təhlilçi Anastasiya Lavrina Breksit ətrafında yaranmış mövcud vəziyyətlə bağlı Eurasia Diary ilə fikirlərini bölüşüb.
"İngiltərə Parlamentində bu səsvermə şübhəsiz ki, tarixə düşəcək. Avropa İttifaqı ilə danışıqlarda ən məqbul siyasətin seçilməsi ilə bağlı müzakirələrin aparıldığı Parlamentdə rəqəmlər arasındakı fərq əhəmiyyətli dərəcədə böyükdür və bu, bir daha Tereza Meyin parlamentdə kifayət qədər dəstəyə malik olmadığını göstərir. Bu günə qədər hansı prinsiplə hərəkət etmək lazım olduğu, Aİ ilə bütün əlaqələri tamamilə pozmağın lazım olub olmadığı və ya mövcud vəziyyəti həll etmək üçün yumşaq yanaşma tapmaq lazım gədiyinə dair fikir ayrılığı var. Baş verənlər bir daha sübuta yetirdi ki, Böyük Britaniya bu mərhələdə Aİ-dən çıxmağa hazır deyil.