NATO və Gürcüstan 2019-cu ildə 24 ölkədən 350 hərbçinin iştirakı ilə NATO-Gürcüstan təlimlərinə başladı. Təlimlər 18 martda başlayıb və 12 gün davam edəcək.
NATO-nun baş katibi Jens Stoltenberq Gürcüstanın NATO-ya qəbul edilməsi barədə danışıb.
"NATO prinsipi hər bir xalqın öz qərarlarını vermə hüququnun olmasından ibarətdir. Hər millət gələcəyini seçmək hüququna malikdir. Hazır olduğumuz zaman Gürcüstan NATO üzvlüyünə daxil olacaq, yalnız NATO və Gürcüstan buna qərar verəcək ", - Stoltenberq deyib.
Eurasia Diary əhəmiyyətli əlaqələrin qiymətləndirilməsi üçün gürcü ekspert Qiya Abaşidzedən ekskluziv müsahibə alıb.
- Stoltenberqin bəyanına münasibətiniz necədir (Gürcüstanın NATO-ya qəbul edilməsi)?
- NATO baş katibinin Gürcüstana etdiyi son səfəri NATO-Gürcüstan əlaqələrində mühüm bir səhifə idi. Səfər beynəlxalq, yerli və regional miqyasda bir sıra nəticələr doğurub. Stoltenberq bir daha beynəlxalq səviyyədə tanınmış sərhədləri daxilində Gürcüstanın ərazi bütövlüyünə və Rusiyanın Abxaziya və Cənubi Osetiyanın bölgələrini işğal etməsinin qəbuledilməz olduğunu vurğulayaraq, Kremlin yenidən Gürcüstan ərazilərindən hərbi qüvvələrini geri çəkməyə çağırdı.
Digər tərəfdən, NATO baş katibi bir daha açıqladı ki, İttifaqın qapısı Gürcüstan üçün açıqdır və ölkə tezliklə orada olacaq. Bu 'tezliklə' çox zaman baxımdan uzun çəkdi. Əslində, 90-cı illərdən etibarən müxtəlif gürcü liderləri bu bəyanatı Qərbdə ən yüksək səviyyədə eşidiblər.
Ölkə daxilində, bu səfər hökumət üçün bir daha cəmiyyətə göstərdi ki, müxalifətin Gürcüstanı "beynəlxalq radar"da saxlamaq üçün heç bir şeyin edilmədiyinə dair tənqidləri fonunda ölkə Avro-Atlantik oxa daha sıx inteqrasiyaya edir.
Maraqlıdır ki, NATO baş katibi həmçinin Gürcüstan Sahil Mühafizəsi qruplarının təlimləri və NATO-nun Dəniz Qüvvələri Komandanlığı ilə Gürcüstanın Birgə Dəniz Əməliyyatları Mərkəzi ilə əməkdaşlığı təmin etmək və dəniz qüvvələri arasında əməkdaşlığı inkişaf etdirmək üçün daha konkret planlar hazırladıqlarını vurğuladı.
İttifaqın rəhbəri Gürcüstanın silahlı qüvvələri ilə beynəlxalq missiyalarda yaralanan şəxslərlə görüşüb və onlara qlobal terrorizmlə mübarizə sahəsində böyük töhfələrinə görə minnətdarlığını bildirdi.
- Bu necə mümkündür və Gürcüstanın NATO-ya daxil olmasına nə mane olur?
- Gürcüstanın müttəfiqləri və dünya miqyasında daha geniş ekspertlər qrupu arasında və Tiflisdə baş katib tərəfindən vurğulanmışdır ki, Gürcüstan mühüm islahatlarda və silahlı qüvvələrin modernləşdirilməsində böyük irəliləyiş göstərib.
Bununla yanaşı bəzi üzv dövlətlərdə siyasi gündəmin bəzi geosiyasi çaxnaşmaları və xüsusiyyətlərinə görə Gürcüstan və Ukraynanın Avro-Atlantik inteqrasiyası bir qədər çətindir.
- Sizcə, bu aksiya Rusiya ilə münasibətlərə zərər verəcəkmi və Rusiyanın reaksiyası nə ola bilər?
- Rusiya Avro-Atlantik meyllərindən dolayı Gürcüstanı təhdid etməkdə davam edəcək. İttifaq öz sərhədlərində Moskva üçün həssas bir məsələdir və hətta NATO ölkələri ilə daha sıx hərbi əməkdaşlığa görə Finlandiya və İsveçəyə qarşı düşmən niyyətlərini ifadə etməkdən çəkinmirlər.
Russiyanın bütün təhdidlərinə baxmayaraq, Gürcüstanın Qərblə güclü, vahid əməkdaşlığı ona təhlükəsizliklə bağlı riskləri və işğalla bağlı eləcə də mövcud ciddi problemləri aradan qaldıra biləcək və öz köklərinə - Avropa ailəsinə doğru yön almaqda davam edəcək.
Qia Abaşidze, beynəlxalq və Gürcüstanın daxili siyasəti üzrə siyasi analitik və ekspertdir.
Müsahibəni götürdü: Ülvi Əhmədli
