31 mart Türkiyədə bələdiyyə seçkiləri keçirildi. Seçkilərin nəticəsində ən çox səs yığan partiya Ədalət İnkişaf Partiyası oldu. Ancaq üç böyük şəhər: İstanbul, Ankara və İzmirdə Ədalət İnkişaf Partiyası məğlubiyyətə uğradı. Bunlardan ən önəmilisi İstanbul şəhəri idi.
Ərdoğan seçkinin səhərisi İstanbulda seçkilərin yenilənməsi siqnalını verdi. İstanbulda səslər yenidən sayıldı və nəticədə Əkrəm İmamoğlu qalib elan olundu. Ancaq İstanbulda seçkilərin yenilənməsi gündəmdən düşmədi. Ərdoğan MHP lideri Dövlət Baxçalı ilə görüşdü. Görüşdən sonra Baxçalı İstanbulda seçkilərin yenidən keçirilməsini dəstəklədiyini bildirdi. Müxalifət qarşı çıxırdı. Bundan başqa İstanbulda iki rayonda seçkilərin keçirilməsi gündəmdədir.
Sonda AKP-MHP birlikdə Mərkəzi Seçki Komissyasına (YSK) şikayət etdilər. Nəticədə 7 nəfər leyhinə 4 nəfər əleyhinə səs verməklə İstanbulda seçkilərdə yenidən keçirilməsi qərarını verdi. Səbəblərdən biri seçki günü dövlət məmurları seçki qutusu qoruyucusu olması idi. 31 martda bu günə qədər İstanbul seçkilərində hiylə olması barədə mübahisələr gedir. Səs faizlərin bir-birinə çox yaxın idi. Ən çox mübahisə bir neçə nəfərin səsi barədə oldu.
Ərdoğan üçün niyə İstanbul bu qədər önəmlidir?
Türkiyənin iqdisadiyyatının üçdə biri İstanbul ilə bağlıdır. İstanbul bələdiyyəsi ən çox gəlir gətirən qurumdur. Bundan başqa Ərdoğana yaxın dərnəklər və fondların dəstək gördüyü bələdiyyədir. Ərdoğanın namizədi yenidən Binəli İldırım oldu.
İmamoğlu yenidən namizəd oldu. Qısa zamanda, İstanbulda bələdiyyə sədri seçildi. Amma önəmli qərarlar ala bilmədi. Səbəb isə Bələdiyyə məclisində AKP-MHP üstünlüklə qərarların əleyhinə səs verdilər.
Yenidən keçiriləcək seçkilərdə İmamoğlunun qalib gəlmə şansı çoxdur. Hətta əvvəlkindən daha çox səs yığa bilər.
Fikirimcə, hətta Ərdoğana səs verənlər artıq İmamoğluna səs verə bilər. Ancaq Ərdoğan bu seçkilər çox güclü hazırlaşır. Türkiyə siyasi həyatın hər gün dəyişmə ehtimalı var.
Son sözü seçicilər deyəcək. Səs verən İstanbul xalqı surpriz edə bilər. Nəticə 24 iyun gecəsi bilinəcək.
Teymur Qasımlı