Paşinyandan ilk etiraf - "Müharibə bitməyib" | Eurasia Diary - ednews.net

22 Oktyabr, Çərşənbə axşamı


Paşinyandan ilk etiraf - "Müharibə bitməyib"

Ekspert rəyi A- A A+

Ermənistanın Baş naziri Nikol Paşinyan iyunun 19-da parlamentdə çıxışı zamanı Dağlıq Qarabağ münaqişəsi ilə bağlı deputatların suallarını da cavalandırıb.

Eurasia Diary xəbər verir ki, bu barədə politoloq Elxan Şahinoğlu qeyd edib. O bildirib ki, Paşinyana birinci sual Dağlıq Qarabağın danışıqlarda iştirakı məsələsi ilə bağlı olub:

“Paşinyan deyib ki, bu məsələ hər zaman onun gündəmindədir və elə bir görüş yoxdur ki, o, Dağlıq Qarabağ “təmsilçilərinin” danışıqlarda iştirakı məsələsini qaldırmasın. Sadəcə onu deməyib ki, bu məsələdə nəticə əldə etməyib. İkinci sual: “Son günlər təmas xəttində iki hərbçimizi itirmişik, müharibə başlaya bilərmi?” Paşinyan itkilərə toxunmadan deyib ki, sülh istəsələr də, müharibəyə hazır olmalıdırlar. Paşinyan belə bir ifadə işlədib: “Müharibə bitməyib”.

Politoloq vurğulayıb ki, Paşinyan çıxışı zamanı onun diplomatik səylərinin guya konkret nəticələri olduğunu da iddia edib, ancaq bu nəticələrin nədən ibarət olduğunu açıqlamayıb:

“Nikol Paşinyan əvvəl nə deyibsə, onları təkrarlayıb, bircə ifadədən başqa: “Müharibə bitməyib”. Onun bu fikri həqiqətə uyğundur, biz də hər zaman deyirik ki, müharibə bitməyib. Halbuki Ermənistanı idarə edənlər illərdir cəmiyyətlərinə təlqin edirdilər ki, guya torpaqlarımızı işğal etməklə məsələyə nöqtə qoyulub və guya müharibə onların xeyrinə bitib. Nikol Paşinyan isə erməni cəmiyyətinə bunun belə olmadığını izah edir və gələcək müharibənin anonsunu verir. Düz edir”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...