Geosiyasi durum Azərbaycanın xeyrinə dəyişir? - Millət vəkillərindən açıqlamalar | Eurasia Diary - ednews.net

22 Oktyabr, Çərşənbə axşamı


Geosiyasi durum Azərbaycanın xeyrinə dəyişir? - Millət vəkillərindən açıqlamalar

Ekspert rəyi A- A A+

Son zamanlar regionda baş verənlər Azərbaycanın geosiyasi durumuna təsirsiz ötüşməyib. Azərbaycan ümumilikdə regional müttəfiqlik əlaqələrinə ciddi önəm verən, həmçinin regiondakı dövlətlərlə sıx əməkdaşlıq münasibətləri quran bir dövlətdir. Lakin son zamanlar Azərbaycanın sərhəd qonşuları Gürcüstan və İranda baş verən siyasi hadisələr səngimək bilmir. İran və ABŞ müharibənin astanasında olduğu bir vaxtda, Gürcüstanın Rusiya ilə münasibətləri də getdikcə kəskinləşir. Millət vəkilləri Aydın Mirzəzadə və Əflatun Amaşov mövcud geosiyasi situasiya və bunun Azərbaycana təsirini Eurasia Diary üçün dəyərləndirib.

aydın mirzəzadə ile ilgili görsel sonucu

 

Millət vəkili Aydın Mirzəzadə regionda ciddi bir hərbi münaqişənin başlamasını gözləmir. Millət vəkilinin sözlərinə görə, ABŞ və İran arasındakı münasibətlər artıq 40 ilə yaxındır ki, gərginliklər və yumuşalmalarla müşahidə edilir. Bu illər ərzində iki dövlət arasında dəfələrlə siyasi krizislər yaşansa da, heç bir ciddi hərbi münaqişə baş verməyib. Bu nöqteyi-nəzərdən, mən İranla ABŞ arasında hərbi münaqişənin başlaya biləcəyinə ehtimal vermirəm. İran regionda kifayət qədər gücünü isbat etmiş və min ildən çox yaşı olan bir dövlətdir. Ona görə də, belə bir dövləti xırda siyasi oyunlar, hədələr və daxili çaxnaşmalar yaratmaqla yıxmaq məncə mümkün deyil.

Ermənistan-Rusiya münasibətlərinə də toxunan millət vəkili qeyd edib ki, “Son günlərdə Koçaryanın yenidən həbs edilməsi tərəflər arasında münasibətləri gərginləşdirə bilər, lakin bu gərginlik nisbi xarakter daşıyır. Mahiyyət üzrə Ermənistanın hazırkı rəhbərliyi Moskvanın maraqlarına zidd heç bir addım atmır. Koçaryanın həbsinə gəlincə, belə hesab edirəm ki, Paşinyan onunla “siçan-pişik oyunu” oynayır. Pişik siçanın quyruğundan yaxalayır, sonra onu buraxır, siçan qaçmaq istəyəndə yenidən özünü pişiyin caynağının arasında tapır. Görünür, Paşinyan Koçaryandan keçmişin inqtiqamını almağa çalışır.”

Aydın Mirzəzadə Qarabağ probleminin həlli yolları barədə öz fikirlərini izah edərkən bildirib ki, hazırkı situasiyada Qarabağ probleminin həlli nə hərbi, nə də diplomatik yolla deyil, ancaq iqtisadi üsullarla mümkündür. Hazırda Azərbaycan Ermənistanı bütün regional layihələrdən kənarlaşdırıb, Qarabağın işğal altında olan ərazilərində isə yaşayan ermənilərin sosial-iqtisadi vəziyyəti olduqca ağırdır. Belə hesab edirəm ki, Azərbaycan Ermənistana qarşı iqtisadi blokada siyasətini davam etdirməlidir. Belə olduqda ermənilər Qarabağı heç cür əllərində saxlaya bilməyəcəklər.

 

Millət vəkili Əflatun Amaşov isə bildirib ki, regionda baş verənlər Azərbaycanın bir regional lider kimi əhəmiyyətini daha da artırıb. Əflatun Amaşov Azərbaycanın ABŞ-İran münaqişəsindəki mövqeyini izah edərkən bildirib ki, “Azərbaycan əməkdaşlıq etdiyi dövlətlərlə xüsusi münasibətlər quran və hər dövlətə dair ayrı siyasi xəttə sahib olan bir dövlətdir. Azərbaycanın İran siyasəti tam ayrıdır, ABŞ siyasəti isə tam ayrı. İllərdir ABŞ-la İran arasındakı gərginlik davam edir. Lakin bütün bu illər ərzində Azərbaycan hər iki dövlətlə sıx əməkdaşlıq edə bilməyi bacarıb. Bundan sonra da bacaracaqdır. Azərbaycan xüsusən üçbucaq formada üçlü ittifaqlar qurmaqla regional və beynəlxalq müstəvidə əməkdaşlığını daha da gücləndirir. Məsələn, Azərbaycan-İran-Rusiya, Azərbaycan-Pakistan-Türkiyə və s. Azərbaycan müttəfiq olduğu və ya əməkdaşlıq etdiyi respublikaları bir-birindən fərqləndirmir, onları müqayisə etmir. Hər dövlətlə maraqlar əsasında əməkdaşlıq edir. Bütün bunlar Ulu Öndər Heydər Əliyev dövründən tətbiq edilən balanslaşdırma strategiyasının uğurlu tərəfləridir.

Ä°lgili resim

Gürcüstanda baş verənlər və Gürcüstan-Rusiya münasibətləri barədə isə millət vəkili qeyd edib ki, Gürcüstanla Rusiya arasında münasibətlərin daha da kəskinləşəcəyini gözləmirəm. Növbəti aya qədər böyük ehtimalla hadisələr səngiyəcək. Eyni zamanda, hökümətin yaxın zamanlarda devriləcəyi ilə bağlı fikirlərə də qatılmıram. Gürcüstan demokratik dövlətdir və seçki ilə hakimiyyətə gələn qüvvələr, yenə seçki ilə hakimiyyətdən yola salınırlar. Azərbaycanın mövqeyinə gəldikdə isə, Gürcüstan onun üçün dost və əməkdaş dövlət, strateji müttəfiqdir. Azərbaycan heç bir zaman Gürcüstana öz yardımlarını əsirgəməmişdir. Azərbaycan Gürcüstanın daxili işlərinə qarışmamaqla birlikdə, bu ölkədə siyasi sabitliyin və milli maraqların təmin edilməsinin tərəfdardır.”

Millət vəkili həmçinin Gürcüstanla Rusiya arasında münasibətlərin kəskinləşməsi halında Ermənistanın nisbi blokada vəziyyətinə düşə biləcəyini istisna etməyib.

 

Eurasia Diary

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...