Azərbaycan-Gürcüstan sərhədində yerləşən "Keşikçidağ" məbədində yenidən insidentlər yaşanıb. Belə ki, Azərbaycan Sərhəd Xidmətinin hərbi qulluqçusunun əlindən silahının alınması və məbəddən ikonanın oğurlanması gərginliyə səbəb olub.
Eurasia Diary məsələ ilə bağlı Gürcüstanlı siyasi ekspertlərlə danışıb.
Siyasi şərhçı Gela Vasadze hesab edir ki, hər iki hadisə təxribatçılar tərəfindən törədilib. Vasadzenin fikrincə, məbədin içərisinə video kameraların qoşulması növbəti provakasiyaların qarşısını ala biləcək.
"Bu çox xoşagəlməz hadisədir. Bu zaman soyuqqanlı və sakit olmaq tələb olunur. Lakin düşünmürəm ki, bu vəziyyət iki ölkə arasında münasibətlərin kəskin dəyişməsinə gətirib çıxaracaq. Təxribatçılara fürsət verməmək üçün hər iki tərəf ən azı altı ay ərzində bu bölgəyə girişi məhdudlaşdırmağı razılaşdırmalıdır", - Vasadze problemin həlli yolunu izah edib.
Qeyd edək ki, Gürcüstan Xarici İşlər Nazirliyi bu cür hadisələrin münasibətlərimizə uyğun olmadığını bəyan edib. Buna görə ekspert və tarixçilərdən ibarət qruplarının və Delimitasiya Komissiyasının iclaslarının davam etməsi lazım olduğunu düşünürük və Gürcüstan tərəfi bu prosesə hazırdır.
Vasadze hesab edir ki, gürcü hökuməti insidentə görə Azərbaycan tərəfindən üzr istəməyəcək: "Mən bunu gözləmirəm. Əgər Gürcüstan hökuməti bu hadisələrə görə Azərbaycandan üzr istəsə, milliyyətçi qruplar hökumətin xəyanət etdiyini və Gürcüstanın Azərbaycana satıldığını söyləyəcəklər".
Siyasi analitik "Keçikçidağ" insidentində üçüncü dövlətlərin rolunun mümkünlüyünü istisna etmir. Onun sözlərinə görə, üçüncü güc haqqında danışarkən azərbaycanlılarla gürcülər fərqli düşünür və fərqli tərəflərdən şübhələnirlər. "Bütün məsuliyyət hər iki tərəfin hökumətlərinin və vətəndaşlarının üzərinə düşür", - deyə Vasadze bildirib.
Digər gürcü siyasi analitik Qiya Abaşidze isə hesab edir ki, əgər tərəflər bütün səviyyələrdə - diplomatik və tarixçi-ekspertlər vasitəsilə real işə başlamasa, problem yenidən baş qaldıracaq: "Bildiyimiz kimi, Gürcüstan və Azərbaycan hökumətlər səviyyəsində bağlı qapılar arxasında işin çox hissəsini görüb, indi isə masa üzərində danışıqların aparılmasının ən vacib zamanıdır".
Abaşidze hesab edir ki, Gürcüstan-Azərbaycan strateji tərəfdaşlığını və dostluğunu təhlükə altına alan təxribatçılara qarşı hələ çox iş görülməlidir. "Ümid edirəm ki, təxribatçılarla bağlı müəyəyn addımlar atılacaq. Amma ən əsası, mübahisəli sərhəd seqmentləri problemini həll etmək üçün bir dəfə və əbədi olaraq real sıx iş aparılmalıdır.
Bizim bütün sahələrdə mükəmməl ikitərəfli əlaqələrimiz var. Hər hansı bir tərəfdən həyata keçirilən kiçik təxribatlarla Gürcüstan-Azərbaycan münasibətlərinə zərər yetirmək bu iki qardaş ölkənin xalqları üçün tamamilə qəbuledilməzdir" - Qiya Abaşidze bildirib.
Ülvi Əhmədli