“Pakistan bizdən nə silah, nə pul istəyir, istədiyi odur ki...” | Eurasia Diary - ednews.net

20 Avqust, Çərşənbə axşamı


“Pakistan bizdən nə silah, nə pul istəyir, istədiyi odur ki...”

İlqar Vəlizadə: “Bu məsələdə bütün islam dünyasının aktivliyinə ehtiyac var”

Ekspert rəyi A- A A+

Pakistanın ölkəmizdəki səfiri Səid Xan Möhmənd ölkəsinin müstəqilliyinin 73-cü ildönümünə həsr olunan mətbuat konfransında Kəşmir məsələsində Azərbaycan və digər dost ölkələrdən kömək istəyib, onları Pakistanın haqlı mövqeyini dəstəkləməyə səsləyib.

Qarabağ problemində Azəbaycana hər zaman açıq dəstəyini bildirən Pakistana Kəşmir məsələsində ölkəmizin siyasi-diplomatik dəstək verməsi mümkündürmü?

Eurasia Diary xəbər verir ki, moderator.az-a açıqlama verən politoloq İlqar Vəlizadə Kəşmir probleminin kifayət qədər həssas bir məsələ olduğuna diqqət çəkdi:

“Məsələ bundadır ki, Pakistan bizdən nə silah, nə də maliyyə yardımı istəmir. Burada söhbət yəqin ki, daha çox humanitar dəstəkdən gedir. Kəşmir problemi çox həssas problemdir. Hindistanda baş verənlər ümumilikdə Hindistanın daxili işi kimi dəyərləndirilə bilər. Bu məsələyə birbaşa müdaxilə müşküldür. Lakin baş verənlərə humanitar nöqteyi-nəzərdən qiymət vermək olar. Çünki burada həmin ərazidə yaşayan müsəlman əhalisinin hüquqlarından söhbət gedir. Bu hüquqların tapdalanması bütün hallarda yolverilməzdir. Çünki bunlar ümumbəşəri hüquqlardır. Baxın, Azərbaycan Dağlıq Qarabağ məsələsində ermənilərə ən yüksək status vəd edir. Baxmayaraq ki, ermənilər torpaqlarımıza təcavüz edib, işğalçılıq siyasəti yürüdüb və s. Hindistan isə muxtariyyət hüququna malik Kəşmirin bu hüququnu ləğv edir. Hansı ki, müsəlmanların hüquqlarına bu cür münasibət qəbuldilməzdir və biz Hindistanın bu addımını dəstəkləyə bilmərik.

Onu da qeyd edim ki, bu məsələdə yalnız Azərbaycanın mövqeyi özlüyündə heç nəyi dəyişə bilməz. Bunun üçün bütün islam dövlətlərinin Pakistana dəstək verməsinə ehtiyac var”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...