Amerika və Türkiyə arasında anlaşma imzalandı. ABŞ terrorçuların 5 gün içində geri çəkiləcəyini bildirdi. Maraqlıdır ki, Pens hərəkatın dayandırılmasını bəyan etdi. Çavuşoğlu isə 120 saatlıq atəşkəs elan ediləcəyini, yəni terrorçular 32 km geri çəkiləcəyi təqdirdə hərəkatın dayandırılacağı bildirdi. Beləliklə hələ ki, Türkiyə istədiyini almış kimi görünür. Lakin bu məsələdə bir sual ortaya çıxır. Kim daha çox qazandı?
Trampın bir az əvvəl atdığı twitdə deyilir ki, hər kəsi təbrik edirəm, çünki çox sayda insan ölümünün qarşısı alındı. Başqa sözlə desək, Amerika terrorçuların canını Türklərdən qurtardı, eyni zamanda insan ölümünün qarşısı alındı və maddi və hərbi yatırımlarını özündə saxlamış oldu. Lakin terrorçuların bəziləri bu razılaşmanı dəstəklədiklərini, bəziləri isə onunla razılaşmadıqlarını dilə gətirdilər. Əslində, kürdlər yenə də ABŞ tərəfindən aldadıldı və Kürd dövlətinin yaranması bir xülya olaraq qaldı. Burada terrorçu qruplar arasında da parçalanma aydın görünür. Demokratiya və insan haqqlarını hər zaman müdafiə edən Amerikanın yenə də əsgərləri olan terrorçulardan imtina etməsi açıq-aydın göründü. Rusiya ilə razılığa gələn ABŞ geri çəkildi. Mövqeləri Rusiyanın nəzarətinə buraxdı. Terrorçuların da Əsəd rejimi ilə birgə hərəkət edəcəklərini bildirdilər, lakin Rusiyanın buna nə dərəcədə müsbət yanaşacağı məlum deyil.
Rusiya istədiyinə nail oldu. Suriya dövləti bütövlüyünü qoruyub saxladı. Əsəd rejiminin bölgəyə yenidən hakim olması gözlənilir. Yəni demək olar ki, Rusiya bu məsələdə ABŞ-dan cox uğur əldə etdi. Türkiyə iki dövlət arasındakı rəqabətdən məharətlə istifadə edə bildi. Artıq terrorçulara bölgəni tərk etmələri üçün verilən müddətdən sonra Türkiyə və Rusiya masaya oturaraq Suriyadakı vəziyyəti həll etməli olacaq. Türkiyə çətin bir qərar verdi, lakin bu qərarın nəticəsi və gələcəkdə baş verəcək hadisələr 120 saatdan sonra tam bəlli olacaq.
Hər kəs oz maraqlarını qorudu. Onu demək lazımdır ki, ABŞ bu məsələdə Əfqanıstanda olduğu kimi tam zərərlə cıxmaq niyyətində deyil, ona görə də meydanı hələ ki, digər aktorlara vermiş kimi göstərməyə çalışır. Lakin bunu edəcəyi böyük sual altındadır ki, Amerika heç bir zaman sözünü tutmur. Bu da o deməkdir ki, bu bölgədə sakitliyin bərpa olunması hələ tezdir. ABŞ-ın içindəki daxili kataklizmlərdə Türkiyə ilə olan münasibətlərdə və Suriya məsələsinin həllində də böyük problemlər yaranır ki, bu da Trampın səriştəsizliyindən irəli gəlir. O ki qaldı, Trampın özünə, onun bu işdə verdiyi töhfə az deyil, yazdığı hər twit bir krossvordu çözməyə bərabərdir. Elə götürək, Ərdoğana yazdığı "dostcasına" məktubu. Onu tarixə düşəcək tam bir diplomatik skandal kimi də qiymətləndirmək mümkündür.
Politoloq Ramiyə Məmmədova