Sloveniyada keçirilən AVRO-2018-də iştirak edən futzal millimiz adını turnirin ¼ mərhələsinə yazdırıb.
İlk matçında Fransa ilə qarşılaşan komandamız 5:3 hesabı ilə qalib gəlib.
Millimiz çempionatın ən çətin qrupu sayılan D qrupunda yer almasına baxmayaraq ilk matçdan finala qədər gedə biləcək gücdə olduqlarını sübut etib.
Əcnəbi jurnalist Paul Saffer yığmamızın əziyyət çəkdiyini və bunun qarşılığında mükafatlandırıldığını deyib:
"İspaniya matçında 4:4 hesabı ilə bərabərə qalıb, yaxşı start götürən Fransa, ilk dəfədir turnirdən kənarda qalmaq təhlükəsi ilə üzləşib. Bu, Azərbaycanın uğurudur".
Rəqibə gəldikdə isə bundan əvvəl bir dəfə də AVRO-2012 Fransa ilə qarşılaşan yığmamız o oyunda da qalib gəlmişdi. (4:2)
Son qolumuzun müəllifi və yiğmamızın üzvü Eduardo da maraqlı açıqlamalar edib:
"Bu, bizim üçün əla başlanğıc oldu. Çox çalışdıq, nəticə əldə etdik. İndi isə dincəlmək və İspaniya oyununa hazırlaşmaq istəyirik. Bu gün axşam komandamız öz birliyini göstərdi. Biz həmişə bir yerdə olmağı və bir-birimizə dəstək olmaq üzərində məşq edirdik. Mini-futbolda əsas məqamlarda düzgüz qərar vermək, başını dik tutmaq oyunun taleyini həll edir və bu gün biz bunların hamısını etdik".
Oyunun qəhrəmanı isə Bolinya seçilib. Futzalçımız rəqib qapıçısını 3 dəfə məyus edərək het-trikə imza atıb.
"Biz doğurdan da çox gözəl oynadıq. Məşqçinin bizdən istədiyi hər şeyi etdik və Allahın köməkliyi ilə nəticə əldə etdik. Həmçinin het-trik edən hücumçumuz Bolinyaya təşəkkür edirəm. Fransanın çox güclü hücum xətti var və bütün komandalar üçün təhlükəlidir. Amma məşqçimizin tapşırığı ilə yaxşı müdafiə olunduq və lazım olduğu anda hücum etdik. Bu da bizə qələbəni gətirdi" - yığmamızın üzvü Vasura deyib.
Matçın yaşanan digər maraqlı olay isə millimizdə legioner kimi çıxış edən Kardosonun hərəkəti olub. 4-cü qolu vurduqdan sonra yığmamızın emblemini azarkeşlərə göstərən futzalçı, Azəbaycana ən az yerli futbolçular qədər bağlı olduğunu bir daha sübut edib.
Qeyd edək ki, komandamız turnir çərçivəsində növbəti oyununu fevralın 4-u İspaniyaya qarşı keçirəcək.
Futzal üzrə 2018-ci il Avropa Çempionatı
D qrupu
Yer |
Komanda |
Oyun |
Q |
B |
M |
Xal |
1. |
Azərbaycan |
1 |
1 |
0 |
0 |
3 |
2. |
İspaniya |
2 |
0 |
1 |
0 |
1 |
3. |
Fransa |
2 |
0 |
1 |
1 |
1 |
31 yanvar
İspaniya - Fransa 4:4
2 fevral
Fransa - Azərbaycan 3:5
Qollar: Landri Nqala, 6.59; Abdessamad Mohammed, 20.05; Suheyl Muhudine, 39.33 - Bolinya, 2.26, 22.02, 24.30; Everton Kardoso, 28.56; Eduardo Borqes, 37.09
4 fevral
Azərbaycan - İspaniya