İspaniya La Liqasının XXXVI turu çərçivəsində "Barselona" və "Real" arasındakı görüş 2:2 hesablı bərabərliklə yekunlaşıb. Oyun katalon klubunun yarımmüdafiəçisi Andres İnyestanın sonuncu "El-Klasiko"su kimi yadda qalıb.
Qarşılaşmadan sonra "Real"ın baş məşqçisi Zinədin Zidan İnyesta ilə vidalaşmaq üçün 5 dəqiqə tuneldə gözləyib. İspan futbolçu soyunub-geyinmə otağından çıxdıqdan sonra fransız mütəxəssis onunla sağollaşıb və gələcək karyerasında uğurlar arzu edib. Həmin anlar "Movistar+" kameralarına tuş gəlib.
Bir neçə gün öncə Zidan İnyestanın ən azından bir "Qızıl top" qazanmağa layiq olduğunu demişdi.