Dünya Güləş Birliyi (UWW) reytinq siyahısını yeniləyib.
Eurasia Diary xəbər verir ki, dünya və Avropa çempionatları, Qran-Pri turnirləri və başqa reytinq xalı verən yarışlarda qazanılan nəticələrə əsasən tərtib olunan siyahıda iki güləşçimiz liderlik edir.
Bunlar qadınlardan ibarət yığmamızın lideri Mariya Stadnik (-50 kq) və yunan-Roma güləşi üzrə millimizin gənc üzvü İslam Abbasovdur (-87 kq). Stadnikin 111, Abbasovun isə 89 xalı var.
Cəbrayıl Həsənov (-79 kq), Eldəniz Əzizli (-55 kq) və Rəsul Çunayev(-72 kq) II pillədə qərarlaşıb. Hər çəki üzrə ilk “onluq”da ümumilikdə 16, ilk “iyirmilik”də isə 29 güləşçimiz yer alıb.
Üçqat dünya çempionumuz Hacı Əliyev (-65 kq) VIII və Olimpiya çempionumuz Şərif Şərifov (-92 kq) IX sırada qərarlaşıb.
