UEFA Avropa Liqasında 1/8 final oyunlarının cavab görüşləri keçirilib.
Gecənin oyunları arasında diqqət cəlb edən ilk oyunda qeydə alınan hesaba əsasən Krasnodar-Valensiya matçı idi. Oyunun ilk hissəsi qolsuz yekunlaşsa da ikinci hissənin son dəqiqələrində maraqlı mübarizə qeydə alındı. 85-ci dəqiqədə Krasnodarın qoluna 19 yaşlı Maqomed Süleymanov imza atdı. Bununla belə matçın yekunlaşmasına 30 saniyə qalmış Valensiyanın heyətində Ganzalo Gedeş növbəti mərhələni gətirən qolu vurub. Beləlilklə, 1-1 hesabı qeydə alınsa da iki oyunun nəticəsinə əsasən 2-3 hesabı ilə Valensiya qələbə qazanıb.
"Salzburq" isə səfərdə buraxdığı 3 qola öz meydanında 3 qol ilə cavab verib, ancaq "Napoli" səfərdə vurduğu 1 qol ilə 1/4 finala vəsiqə qazanan növbəti klub olub. "Salzburq" 3-1 "Napoli" (iki oyunun nəticəsi-3-4)
"Çelsi" isə İngiltərədə qazandığı 3-0 hesablı qələbə ilə kifayətlənməyərək Ukraynada "Dinamo Kiyev"i darmadağın edib. Qeydə alınan 0-5 hesablı qələbə İngilisləri 1/4 finala arxayın yola salıb. Qeyd edək ki, "Çelsi"nin heyətində Olivye Jiru het-trik edib, digər qolları isə Markus Alonso və Hudson-Odoi vurub.
"Vilyareal" səfərdə qazandığı qələbənin ardını evdə də gətirib. Rusiyada 1-3 hesablı qələbə və evdə qazanılan 2-1 qələbə ilə "Vilyareal" təmiz qələbə qazandı.
İlk oyunda sürpriz şəkildə məğlub olan "Arsenal" İngiltərədə sensasiyaya icazə verməyib. Obameyanqın dublu və Maitland-Naylın vurduğu qol ilə "Arsenal" "Renn" üzərində 3-0 hesablı qələbə qazanıb.
Gecənin sürpriz nəticəsi Çexiyada qeydə alınıb. Roman Sançez Pizxuan stadionunda 2-2 hesablı heç-heçə səfərdə də qeydə alındı. Əlavə vaxtın 98-ci dəqiqəsində "Sevilya" Vazqezin qolu ilə önə keçsə də "Slaviya Praqa" 102-ci dəqiqədə Van Burenin, 119-cu dəqiqədə "Sevilya"nın müdafiəçisi Kyaerin avtoqolu ilə 4-3 ümümi hesabda isə 6-5 hesablı qələbə qazanaraq 1/4 final mərhələsinin qapılarını Çexiya təmsilçisinin üzünə açıb.
Xorvatiyada qələbə qazanan "Dinamo Zaqreb" səfərdə bu hesabı qoruya bilməyib. Portuqaliyada "Benfika"dan 3 top buraxan Xorvatlar ümumi hesabda 3-1 hesabı ilə məğlub olub. Qeyd edək ki, bu matçda da ilk 90 dəqiqədə 1-0 hesabı qeydə alındığından oyun əlavə vaxta gedib. Burda isə daha 2 qol vuran "Benfika" üstün tərəf olub.
Günün digər maraqlı nəticəsi Cüzeppe Meazzada qeydə alınıb. İlk oyunda Almaniyada qolsuz heç-heçə qeydə alınsa da 15000 Frankfurt azarkeşinin də iştirak etdiyi oyunda "Ayntraxt Frankfurt" onların inamını doğrulda bilib. Oyunun 6-cı dəqiqəsində Luka Yoviçin vurduğu qol oyunda yeganə olsa da bu nəticə Frankfurta 1/4 finala vəsiqə qazanmağa kifayət edib. İki oyunun nəticəsinə görə 0-1 hesablı qələbə Almanları növbəti mərhələyə daşıyıb.
Azad Nuriyev