Avropa çempionatının seçmə mərhələsi çərçivəsində ilk oyunlar baş tutub.

Millimiz E qrupunda ilk matçını “Maksimir” stadionunda Xorvatiya millisinə qarşı keçirib.

Matçda gözlənilənlərin əksinə millimiz hesabı açıb. 19-cu dəqiqədə Riçard Almeydanın ötürməsindən sonra Ramil Şeydayev millinin turnirdəki ilk qoluna imza atıb.  Bununla belə 1-ci hissənin son dəqiqələrində Borna Barişiç hesabı bərabərləşdirib. İkinci hissədə hücumların sayını artıran Xorvatiya 79-cu dəqiqədə Kramariçin baxımlı qolu ilə hesabı 2-1 edib. Beləliklə millimiz ilk oyunu məğlub başa vurub.

Bu görüşlərlə paralel Avropa çempionatının seçmə mərhələsinin digər oyunları da keçirilib.Qrupumuzda yer alan Slovakiya millisi Macarıstan ilə qarşılaşıb. Oyun 2-0 hesabı ilə Slovakiyanın qələbəsi ilə başa çatıb.

Erkən baş tutan oyunlar arasında sensasiyalı hesab Astanada qeydə alınıb. Qazaxıstan millisi Şotlandiyanı 3-0 hesabı ilə məğlub etdi. Oyunda qolları 6-cı dəqiqədə Yuri Pertsux, 10-cu dəqiqədə Voroqovski, 51-ci dəqiqədə isə Zaynutdinov vurub. Digər qarşılaşmada isə Kipr San Marinonu 5-0 hesabı ilə darmadağın edib.

Eyni qrupda yer alan günün ən maraqlı və gözlənilən qarşılaşması Belçika və Rusiya milliləri arasında keçirilib. Bu oyunun ilk hissəsi 2-1 hesabı ilə Belçikanın qələbəsi ilə nəticələnib və ilk hissədə hesab 1-1 olarkən qollar cəmi 2 dəqiqə ərzində vurulub. Tilemans 14-cü dəqiqədə Belçikanın ilk qoluna imza atsa da 16-cı dəqiqədə Denis Çerişev Rusiyanın bərabərlik qoluna imza atıb. Bununla belə ilk hissənin sonunda Eden Hazard penalti zərbəsi ilə Belçikanı fasiləyə 2-1 qalib kimi yola salıb. İkinci hissədə Eden Hazard növbəti qolunu vuraraq dubl edib və matç Belçikanın qələbəsi ilə yekunlaşıb. Belçika 3 xalı 3 qolla qazandı.

Günün digər oyunlarında qeydə alınan nəticələr

C qrupu

Şimali İrlandiya 2-0 Estoniya

Hollandiya 4-0 Belarusiya

G qrupu

Avstriya 0-1 Polşa

Şimali Makedoniya 3-1 Latviya

İsrail 1-1 Sloveniya