2019 Formula 1 yarışları üzrə Azərbaycan Qran Prisi aprel ayının 26-28-i tarixlərində keçiriləcək.
Yarışmanın tarixinə nəzər salsaq görərik ki, bu Bakı şəhərinin ev sahibliyi etdiyi 4-cü Qran Pridir. Baxmayaraq ki, ilk olaraq 2016-cı ildən başlanması nəzərdə tutulan yarışlar, Koreya Qrin Prisi üzrə müqavilə şərtləri pozulduğu üçün 2015-ci ildə başlanacağı bildirildi. Bununla belə, bu məlumatlar öz təsdiqini tapmadı və ilk yarış 2016-cı ildə baş tutdu. Həmin Yarışda Almaniyalı pilot Niko Rosberq qələbə qazanaraq həmçinin yarışın ən sürətli pilotu adını da qazanmağı bacardı.
Azərbaycanda keçirilən Qran Pri ilk olaraq Bakı halqası adlandırılsa da sonradan Azərbaycan Qran Prisi adını aldı. Şəhər halqasına gəldikdə isə baş memar Hermann Tilkenın inşa etdiyi yarış zolağı öz mürəkkəbliyi ilə seçilir.
Dövrənin ümumi uzunluğu 6003 metr ( 3730 mil ) və treklər arasında ən uzun ikinci yarış halqası Azərbaycan Qran-Prisinə məxsusdur. Ən geniş hissə 13 metrdir, İçərişəhər döngəsi isə pilotların da etiraf etdiyi kimi ən mürəkkəb və dar zolaq hesab olunur.
Yarışlarda baş tutacaq yeniliklərə gəldikdə isə ötən mövsüm “Formula 3” üzrə çempion olan cari ildə isə “Formula 2” yarışlarında “Prema Racing” komandasında iştirak edən yeddiqat dünya çempionu Mixail Şumaxerin oğlu Mik Şumaxerin Bakıya gəlməsi xəbəridir. Xarici mətbuat orqanları bildirir ki, o, ilk dəfə atasının da çıxış etidyi İtaliyanin "Ferrari" komandasının bolidi arxasına keçib. O, Bəhreyn Qran-Prisində sınaq yürüş etdikdən sonra mətbuata açıqlamasında bolidi idarə etməyin heyrətamiz olduğunu deyib.
Növbəti məlumata əsasən artıq keçən ilin Abu-Dabidə keçirilən final yarışında karyerasını yekunlaşdırdığını açıqlayan məşhur İspaniyalı pilot Fernando Alonsonun Bakıda keçirilən yarışda iştirak etməyəcək. Bununla belə, Alonso Maklaren komandasında səfir və məsləhətçi vəzifələrində fəaliyyət göstərəcək.
Ümumilikdə Formula 1 yarışlarının reqlamentinə olan dəyişikliklər barədə Formula 1-in direktoru Ross Braun açıqlama edib: "Haqlısız, ötmələrin sayı kəskin azalıb. Qeyd etdiyiniz kimi, bunun səbəbi reqlamentdə edilmiş sonuncu radikal dəyişikliklərdir. Əvvəlki kimi hava boşluğu yaranmır və arxada olan sürücü bundan istifadə edə bilmir. Bizə bu barədə bir çox təkliflər gəlib və üzərində düşünürük. Tezliklə bunu aradan qaldıracaq dəyişikliklər ediləcək."
Dəyişiklik edilən müddəalar ən çox idarəetmə sahəsinə şamil olunacaq. Diqqət cəlb edə biləcək dəyişikliklər bunlardır
YARIŞIN MÜDDƏTİ
Hər hansı bir səbəb üzündən yarışın dayandırılması zamanı onun maksimal müddəti start anından sonra 4 saatı keçə bilməz.
BAŞIN MÜDAFİƏSİ SİSTEMİ
Başın əlavə müdafiə sistemi (Additional Frontal Protection – Halo) açıq kokpitli maşınlar üçün nəzərdə tutulub və Formula1-də 2018-ci il mövsümündən tətbiq edilməsi məcburidir. Halo – sürücünün ətrafında yerləşən 3 nöqtəyə bərkidilən xarici mexaniki konstruksiyadır.
Sistemin təchizatçısı FİA-nın keçirdiyi tenderdə qalib gələn istənilən şirkət ola bilər. Mövsümdən öncə sistem test edilir və FİA tərəfindən təsdiq olunur, istehsalçı sistem üzərində hər hansı bir dəyişikliyi yalnız mövsüm başa çatdıqdan sonra edə bilər.
Halo əslən Ti6Al4V markalı titan ərintisindən hazırlanır. Sistemin çəkisi 7 kq-dır, düzdür, cüzi kənarlaşmalara icazə verilir: +0.05 kq və -0.15 kq.
Çarpma testləri zamanı (krəş test) sistem 125 kilonyuton yüklənməyə strukturunu dəyişmədən tab gətirməlidir, bu zaman Halo-nun həndəsi yerdəyişməsi 17.5 mm-i keçə bilməz.
Hər bir Halo sistemi FİA tərəfindən keyfiyyət sertifikatı və ardıcıllıq nömrəsi alacaq. Qəzalardan sonra FİA hər hansı bir sistemin gələcəkdə istifadəsini qadağan edə bilər.
Liberty Media-nın təşəbbüsü ilə Halo-nun ön ayağının dibində bütün maşınlarda 360 dərəcəli videokameralar quraşdırılacaq.
TƏKƏRLƏR
Yeni mövsüm üçün Pirelli 7 növ slik hazırlayıb. Tərkiblərin yumşaqlığı bir addım irəli çəkilib, yəni bir il əvvəl istifadə olunan tərkiblər daha yumşaq hazırlanıblar. İki yeni tərkib əlavə olunub – böyük ehtimalla heç istifadə edilməyəcək ən bərk SuperHard tərkibi və daha çox mexaniki ilişmə tələb edən traslar üçün ən yumşaq HyperSoft tərkibi.
Əvvəl italyanlar ardıcıl təkər tərkiblərini sürücülərə təklif edirdilərsə, indi həftəsonu üçün tərkib seçimində qonşu olmayan tərkibləri seçmək mümkün olacaq. Məsələn, Çin Qran Prisi üçün UltraSoft, Soft və Medium tərkibləri seçilib, arada qalan SuperSoft seçilməyib.
Əlbəttə, yağışlı hava üçün ənənəvi yağış və keçid təkərləri də hər bir yarışa gətiriləcək – cari mövsümdə bu tərkiblər də yenidən hazırlanıblar.
Digər maraqlı məqam isə hər il olduğu kimi bu il də yarış günlərində konsert proqramı ilə çıxış edəcək qonaqların adlarıdır. Artıq onlardan biri elan olunub. “Qremmi” və “Oskar” mükafatlı pop ulduz Sem Smit 27 aprel tarixində Bakıda konsert proqramı ilə çıxış edəcək. Bu xəbər bir çox azarkeşi sevindridi və bu səbəbdəm güclü turist axınının da olacağı istisna deyil.
BŞH-nin icraçı direktoru Arif Rəhimov Sem Smitin Bakıya gəlişinə belə münasibət bildirib: “2019 Formula 1 Azərbaycan Qran Prisinin keçiriləcəyi yarış həftəsonunun şənbə günü axşam saatlarında canlı konsert proqramı ilə çıxış edəcək Sem Smiti Bakıda qarşılayacağımız üçün çox şadıq. Özünəməxsus səsə malik bu musiqiçi yaradıcılığının ilk günlərindən etibarən dünyanın hər tərəfində özünə böyük dinləyici kütləsi cəlb edib. Əminəm ki, Azərbaycanda da sadiq dinləyiciləri olan Sem Smitin sıralanma turundan sonra baş tutacaq konserti yarış həftəsonumuzun unudulmaz anlarından birinə çevriləcək."
Bütün bilet sahibləri konsertlərdə pulsuz iştirak edə biləcəklər. Bakı Şəhər Halqasından Kristal Zala tamaşaçıların gediş-gəlişi avtobuslar vasitəsilə həyata keçiriləcək.
Azad Nuriyev
