"Qarabağ"dan qələbə, "Neftçi"dən heç-heçə | Eurasia Diary - ednews.net

27 İyun, Cümə axşamı


"Qarabağ"dan qələbə, "Neftçi"dən heç-heçə

İdman A- A A+

Topaz Premyer Liqasının 24-cü turunda turnir cədvəlinin liderləri "Qarabağ" və "Neftçi" növbəti oyunlarını keçirib.

Son çempion "Qarabağ" Tofiq Bəhramov adına Respublika stadionunda "Sabah"ı qəbul edib. Oyunda hesabı 10-cu dəqiqədə Riçard Almeyda açıb. 

İkinci hissədə Ozobiç və Mahir Mədətov ilə daha 2 dəfə fərqlənən "Qarabağ" klubu "Sabah" üzərində 3-0 hesablı inamlı qələbə qazanıb.

Lider "Neftçi" isə Bayıl Arenada "Səbail" klubunun qonağı olub. Səfərdə son dəqiqə qolu ilə hərəyə 1 xal qazanılan matçda qollar ikinci hissədə vurulub.

50-ci dəqiqədə Mirabdulla Abbasov hesabı açıb. 81 və 85-ci dəqiqələrdə "Səbail" klubu iki qol vurduqdan sonra oyunun bu hesabla başa çatacağı gözlənilsə də vaxta əlavə olunmuş 5-ci dəqiqədə Mamadu Mbodj "Neftçi"ni məğlubiyyətdən xilas edən qolu vurub.

Səfərdə heç-heçə etməklə "Neftçi" turnir cədvəlində ilk pilləni itirib. "Qarabağ"dan 2 xal geri qalan paytaxt təmsilçisi 52 xalla ikincidir. 

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...