İqtisadçı Qubad İbadoğlu builki Formula 1 üzrə Grand Prix yarışından əldə olunacaq gəlirlər barədə fikir bildirib.
"Azərbaycan Prezidentinin ictimai-siyasi məsələlər üzrə köməkçisi Əli Həsənov “PricewaterhouseCoopers” (Pwc) beynəlxalq audit şirkətinin 2017-ci ilin sonlarında apardığı müstəqil araşdırmanın nəticələrinə istinad edərək bildirmişdi ki, Bakıda keçirilmiş ilk iki Formula 1 yarışı ölkə iqtisadiyyatına ümumilikdə 277.3 milyon dollar gəlir gətirib. Eyni zamanda Əli Həsənov proqnoz edib ki, xərclər get-gedə azalır, demək, bu və növbəti illərdə qalan qazanc daha da çox olacaq. Bu ilin aprel ayının 26-dan 28-dək Bakıda 4-cü dəfə Formula 1 yarışı keçiriləcək. Belə olan halda açıqlanan rəqəmlərdən irəli gələn hesablamalar göstərir ki, yarışlardan cəmi qazanc bu il yarım milyard manatı ötəcək", deyə ekspert qeyd edib.
Qeyd edək ki, Bakı idman avtomobillərinin küçə dövrəsində ötüşlərini 2012-ci ildən bəri hər il keçirib. SOCAR 26-28 aprel 2019-cu il tarixlərində Bakıda növbəti dəfə keçiriləcək Formula 1 yarışının titul tərəfdaşıdır.