300-dən çox lyuk təkrar yoxlanılacaq - Rəsmi açıqlama | Eurasia Diary - ednews.net

19 Noyabr, Çərşənbə axşamı


300-dən çox lyuk təkrar yoxlanılacaq - Rəsmi açıqlama

İdman A- A A+

Bakı Şəhər Halqası Əməliyyat Şirkəti (BŞH) Bakıda Formula 1 SOCAR Azərbaycan Qran-Prisinin birinci sərbəst yürüşünün ləğv olunması ilə əlaqədar rəsmi açıqlama yayıb.

BŞH-dan verilən məlumata görə, birinci sərbəst yürüş sessiyası kanalizasiya qapağının yerindən tərpənməsi nəticəsində ləğv olunub.

“Əvvəlcədən görülmüş bütün təhlükəsizlik və nizamlayıcı tədbirlərə baxmayaraq, sözügedən hadisənin yaranmasına əsas səbəb lyuk altlığında üstdən görünməyəcək şəkildə nasazlığın olmasıdır. Hazırda Beynəlxalq Avtomobil Federasiyası (FİA) ilə birlikdə həmin kanalizasiya qapağının təhlükəsiz şəkildə əvəz olunması və trekdə olan bütün digər lyukların növbəti yarış sessiyasına qədər bir daha yoxlanılması istiqamətində işləyirik. Pilotların təhlükəsizliyi bizim üçün hər zaman ən ümdə və ən yüksək məsələdir. Trekdə olan 300-dən çox kanalizasiya qapağının təkrar yoxlanılması prosesi başa çatdıqdan dərhal sonra növbəti yarış sessiyasına start veriləcək”, - deyə məlumatda bildirilir.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...