Sabah karatenin əlbəyaxa döyüş növü üzrə peşəkarların mübarizəsidir - VİDEO | Eurasia Diary - ednews.net

27 İyun, Cümə axşamı


Sabah karatenin əlbəyaxa döyüş növü üzrə peşəkarların mübarizəsidir - VİDEO

İdman A- A A+

Sabah Bakı İdman Sarayında Aşihara Karate üzrə Respublika Çempionatı keçiriləcək. Çempionat Ümumilli Lider Heydər Əliyevin xatirəsinə həsr olunub.

Eurasia Diary xəbər verir ki, çempionatda ölkənin 20 rayon və şəhərindən olan idmançıların müxtəlif yaş qrupları üzrə maraqlı qarşılaşmaları, yaddaqalan çıxışları, kumiteləri və sonda peşəkarların döyüşü keçiriləcək.

Karatenin full kontakt növünə aid edilən Aşihara Karate ilk dəfə 1972-ci ildə Yaponiyada, Hideyuku Aşihara tərəfindən yaradılıb və əlbəyaxa döyüş sənəti kimi tez bir zamanda dünyada geniş yayılıb. Azərbaycan Aşihara Karate Federasiyası 1998-ci ildən rəsmi olaraq fəaliyyət göstərir. 2002-ci ildən ölkəmizi karatenin bu növü üzrə dünya miqyaslı yarışlarda, beynəlxalq turnirlərdə təmsil edir.  

Çempionatın seçim mərhələsi saat 10:00-da Bakı İdman Sarayında başlayacaq. Final mərhələsinin açılış mərasimi və Peşəkarların full kontakt döyüşü saat 16:00-da start götürəcək. Qeyd edək ki, Çempionatı izləmək üçün giriş pulsuzdur.  

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...