Ağdamda, Aprel döyüşlərində Azərbaycan-Ermənistan qoşunlarının təmas xəttində düşmənin təxribat cəhdlərinin qarşısını alarkən qəhrəmancasına həlak olan Azərbaycan ordusunun zabiti, polkovnik-leytenant Raquf Orucovun xatirəsinə həsr olunmuş futbol turniri başa çatıb.
Eurasia Diary-nin APA-ya istinadən xəbərinə görə, turnirdə rayonun 16 cəbhəyanı kəndi və məcburi köçkünlərin məskunlaşdığı qəsəbələrdən və bir hərbi hissədən ümummilikdə 8 komanda iştirak edib.
Bənövşələr qəsəbəsində təşkil olunan yarış 20 gün davam edib. Turnirin təşkilatçısı Elgün Rəhimov APA-ya bildirib ki, final yarışında rayonun Bənövşələr qəsəbəsinin və Üçoğlan kəndinin komandaları mübarizə aparıb. Yarışda şəhid R.Orucovun bir vaxtlar komandiri olduğu “N” saylı hərbi hissənin komandası 3-cü yerdə qərar tutub. 1-ci yerə Bənövşələr qəsəbəsinin, 2-ci yerə isə Üçoğlan kəndinin komandası yiyələnib.
.jpeg)
