Azərbaycan millisinin toplanışı koronavirusa görə ləğv olundu | Eurasia Diary - ednews.net

6 May, Cümə axşamı


Azərbaycan millisinin toplanışı koronavirusa görə ləğv olundu

İdman A- A A+

19 yaşadək futbolçulardan ibarət Azərbaycan millisinin Macarıstandakı təlim-məşq toplanışı ləğv olunub. 

Eurasia Diary xəbər verir ki, bu barədə "Report"a komandanın baş məşqçisi Samir Əliyev məlumat verib. 

41 yaşlı mütəxəssis bildirib ki, səbəb koronavirus epidemiyasıdır: "Martın 16-da Macarıstanda olmalı idik. Orada ölkənin müvafiq yığma komandası ilə iki yoldaşlıq görüşü keçirməyi planlaşdırırdıq. Nə fevral, nə də martda beynəlxalq oyun keçirə bildik. Bunun üçün təəssüflənirik. Çünki bu beynəlxalq təcrübə futbolçulara lazım idi. Amma məlum məsələyə görə alınmadı. Aprel və sonrakı aylarda yoldaşlıq görüşü və təlim-məşq toplanışı keçirmək niyyətindəyik". 

Qeyd edək ki, milli komanda Avropa çempionatının 2020/2021-ci il mövsümünün seçmə mərhələsində 8-ci qrupda Fransa, Yunanıstan və Moldova ilə birgə mübarizə aparacaq. Bu qrupun oyunları oktyabrın 7-də, 10-da və 13-də Moldovada keçiriləcək. 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...