Erməni şahmatçı Levon Aronyan Ermənistan vətəndaşlığından imtina etmək istəyir.
Eurasia Diary Ermənistan mətbuatına istinadən xəbər verir ki, Aronyan ABŞ vətəndaşlığını qəbul edib, sözügedən ölkənin bayrağı altında çıxış etməyə hazırlaşır. Buna səbəb Levon Aronyanın Ermənistanın baş naziri Nikol Paşinyandan inciməsi göstərilir.
Nikol Paşinyan hökumətin başına keçdikdən bir müddət sonra Levonla görüş keçirib və ona ən müasir standartlara cavab verən kompyuter və şəxsi məşqçinin saxlanılması üçün vəsait ayıracağına söz verib. Lakin nazir verdiyi sözləri tutmayıb. Teymur Rəcəbov ötən ay “Airthings Masters” turnirinin finalında Levon Aronyaya qalib gəlib.
Ermənistan şahmat Federasiyasının prezidenti Smbat Lputyan isə bildirib ki, Aronyan yaxın iki gündə bəyanatla çıxış edəcək: "Onunla dünən danışmışam. Dedi ki, yaxın iki gündə bəyanatla çıxış edəcək. Mənim başqa informasiyam yoxdur".
