Qətər Yaxın Şərqdə Dünya Çempionatı keçirən ilk ölkə olacaq. Daha bir yenilik mundialın qışda - 2022-ci il noyabrın 21-dən dekabrın 18-dək təşkilidir.

Maraqlıdır ki, Millət vəkilləri hansı ölkənin qalib olmasını istəyir və hansı komandanı dəstəkləyirlər?

Ednews bu barədə deputatların münasibətini öyrənib. Cavabları təqdim edirik.

Sabir Rüstəmxanlı bildirib ki, Türkiyə, Azərbaycan olmayandan sonra bu çempionatda qalibin kim olacağı maraqlı deyil. 

“Mən daha çox  axşı oynayan komandaların oyununa baxıram. Kimin qalib gəlməyinə gəldikdə isə Brzailiya, İtaliya kimi ölkələrdənsə kiçik ölkələrin qalib gəlmələrini istəyərəm. İndiyə kimi çempion olmaq üçün mübarizə aparan komandalardan biri kuboka yiyələnsin”.  

Fazil Mustafa qeyd edib ki, orada iştirak edən heç bir komandaya azarkeşlik etmirəm.

“Daha çox layiq olanın qalib gəlməyini istəyərəm. Futbol elə bir sahədir ki, həmişə istədiyin komanda qalib gələ bilmir. Təbii ki, orada Türkiyənin, Azərbaycanın iştirak etməməsi bizə xüsusi bir həyəcan gətirmir”.

Aqil Abbas fikrini bir cümlə ilə ifadə edib:

“Türkiyə olmadığına görə Braziliya komandasının qalib gəlməsini istəyərəm”.

Ayan Rzayeva