Azərbaycanın daha bir cüdoçusu Bakıda keçirilən Böyük Dəbilqə turnirinin qalibi olub.
Ednews xəbər verir ki, Balabəy Ağayev və Hidayət Heydərovun ardından Səid Mollayi (81 kq) də qızıl medal qazanıb.
İdmançı finalda belçikalı Mattias Kasse ilə görüşüb. Rəqibinə vazari ilə qalib gələn Mollayi fəxri kürsünün ən yüksək pilləsinə qalxıb.
O, tatamini tərk etdikdən sonra qısaca olaraq təəssüratlarını bölüşüb və "Yaşasın Azərbaycan!" şüarını səsləndirib.
Qeyd edək ki, daha əvvəl Hidayət Heydərov (73 kq) və Balabəy Ağayev (60 kq) qızıl, Kəramət Hüseynov (60 kq) və Orxan Səfərov (66 kq) isə bürünc medala yiyələnib.