"Əlcəzair futbolunun Azərbaycanda elçisi olmağa hazıram". Bunu "Eurasia Diary"-ə özəl müsahibəsində Məşhur əlcəzairli məşqçi Yousefi Kada deyib.
Yousefi Kada Əlcəzairdə kifayət qədər tanınan futbol məşqçisidir. 58 yaşlı təcrübəli idman mütəxəsisi 34 il məşqçilik edib. Kada deyir ki, onun ölkəsi Afrika qitəsinin ən sürətli millisidir. Üstəlik son illər dünya futboluna istedadlar bəxş edən ölkə də məhz Əlcəzairdir. Zinəddin Zidan, Kərim Benzema, Samir Nəsri, Mahrez, Süleymani kimi məşhur futbolçular əslən əlcəzairlidirlər.
Y. Kada bildirir ki, indinin özündə də Əlcəzair əsl gənc istedadların ölkəsinə çevrilib. Hər bir məhlədə, hər bir rayonda uşaq məktəbləri, böyük stadionlar var. Elə futbol mütəxəsisinin əsas məqsədi də Əlcəzairdə potensiallı gənc futbolçuları kəşf edib onların böyük yaşıl meydanlara qədəm qoymasına nail olmaqdır.
Peşəkar məşqçi buna qədər Mərakeş, BƏƏ, Almaniyada, Fransada müxtəlif vaxtlarda məşqçilik edib. Hətta hazırda Mərakeş millisinin baş məşqçisi olan Rəşid Tausi də məhz onun tələbəsi olub.
Y. Kada indi Olimpik Medea klubunun baş məşqçisidir. O, bu klubu ikinci liqada qalib edərək, birinci liqaya çıxardıb. Hazırda onun komandası divizionda oynayır. Bu səfər isə Əlcəzairli qonağın Bakıya ilk səyahətidir. O, Azərbaycan futbolunun inkişafında müəyyən rol oynamaq arzusundadır. Təsadüfi deyil ki, səfəri vaxtı Azərbaycan futbol üzrə milli çempionatının bir neçə qarşılaşmasına stadiondan tamaşa edib. Azərbaycan haqqında türkiyəli həmkarlarından xəbər aldığını bildirən Y. Kada müsahibəsində açıqlayır ki, o, Azərbaycanda məşqçi kimi fəaliyyət göstərmək və peşəkar Əlcəzairli futbolçularının məhz Bakıda oynamasına nail olmaq istəyir. Ən çox oyununu bəyəndiyi klub isə "Qəbələ"dir. Qəbələnin Lill klubu ilə qarşılaşmasını diqqətlə izlədiyini bildirən paytaxtımızın qonağı deyir ki, o Azərbaycan futbolunun gələcəyinə inanır və Əlcəzair futbolunun Azərbaycanda ilk elçisi olmağa hazırdır.
.jpg)
.jpg)
(1).jpg)
.jpg)
.png)
