"Eurasia Diary" Anadolu-ya istinadən xəbər verir ki, Şimali Koreya rəhbərliyi 20 yanvarda ABŞ-ın Rəhbəri kreslosunu Donald Trampa təhvil verəcək Barak Obamaya, Şimali Koreyanın insan haqları ilə məşğul olmaq yerinə, diqqətini çamadanını toplamağa yönləndirməsini təklif edib.
Şimali Koreyanın rəsmi xəbər agentliyi KCNA-nın verdiyi məlumata görə, ölkəyə qarşı ABŞ Xəzinə Nazirliyi Xaricilərə Nəzarət Ofisi (OFAC) tərəfindən qeydiyyatdan keçirilən əlavə sanksiyalar tənqid edilib.
Məqalədə Obama rəhbərliyinin, ABŞ Xarici İşlər Nazirliyinin yanvarın 11-də yaydığı "Şimali Koreyadakı Ciddi İnsan Haqları Pozuntuları və ya Senzura" 2-ci Hesabatı əsasında Şimali Koreyadan 7 nəfəri və 2 qurumu sanksiyaların siyahısına daxil etdiyi bildirilib.
Şimali Koreya hökuməti qeyd edib ki, Obama başqalarının insan haqları məsələlərilə məşğul olaraq vaxt itirmək əvəzinə, Ağ Evdə çamadanını yığmaq üçün hazırlıq görsə, daha ağıllı görünər. "Vəzifədə olduğu müddətdə ABŞ-da insan haqları sahəsində ən pis vəziyyəti yaradaraq bir çox Amerikalıya və digərlərinə gətirdiyi bəxtsizliyin və çətinliyin peşmançılığını duysa daha yaxşı olar"-deyə bildirilir.
Qeyd edək ki, ABŞ rəhbərliyi iyul ayında Şimali Koreya lideri Kim Jongu sanksiya siyahısına əlavə edib. Sanksiyaların ABŞ Xarici İşlər Nazirliyinin "Şimali Koreyadakı Ciddi İnsan Haqları Pozuntuları və ya Senzura" başlıqlı hesabatında adı keçən bütün şəxsləri və qurumları əhatə etdiyi bildirilib.
Vüsalə