Varlı amerikalıların Nyu Yorkdakı əsas məkanı 5-ci “avenue”.
Bu küçədə hansı məşhur şirkətlərin ofisi yoxdur ki ?! Amma ən diqqət çəkən əlbəttə məhz Trump Tower-dir. Amerika prezidenti indinin özündə də xanımı və oğlu ilə birlikdə öz adını daşıyan bu məkana gəlir, hətta bir müddət burada qalırlar. Məhz ona görə bu binada təhlükəsizlik ən yüksək həddədir.
Prezidentin mühafizə xidmət və xüsusi təyinatlılar.
Bu binada təhlükəsizlik tədbirləri də sizə deyim az pul aparmır. Son məlumatlara görə ABŞ-ın 2018-ci il üçün büdcə layihəsində bu məqsədlə 25 milyon dollar nəzərdə tutulub.
Hətta ABŞ Müdafiə Nazirliyi belə Donald Trampın ailəsinin yaşadığı Nyu Yorkdakı "Trump Tower" qülləsində məkan icarəyə götürmək niyyətindədir. Bu məkan həm də onunla məşhurdur ki, Trampın komandasının bəzi üzvləri məhz bu oteldə Rusiya səfiri və təmsilçiləri ilə görüşüblər. Misal üçün iddia olunur ki, atasının seçki kampaniyası zamanı oğul Tramp, eləcə də onun iki yoldaşı rusiyalı vəkil Nataliya Veseltinskaya ilə 2016-cı ilin iyununda məhz bu otelində görüşüblər.
Bu görüşdə Tramp-ın kürəkəni Jared Kushner və onun seçki kampaniyasının ovaxtkı sədri Paul Manafort da iştirak ediblər. Bu, Tramp-ın yaxın çevrəsinə daxil olanlarla Rusiya vətəndaşının təsdiqini tapmış ilk görüş olub. Moskva vəTramp komandası iddiaları rədd etsə də hazırda ABŞ-ın xüsusi prokuroru və Konqres komitələri Rusiyanın ABŞ seçkisinə mümkün müdaxiləsini və Moskvanın Tramp kampaniyası ilə mümkün işbirliyini araşdırır.
Bununla yanaşı ABŞ prezidentinin keçmiş milli təhlükəsizlik müşaviri Maykl Flinn də məhz bu oteldə Rusiya səfiri ilə görüşmüşdü. Və bu görüş onun cəmi bir ay vəzifədə qalması ilə nəticələndi...
Burada maraqlı və sirli sayıla biləcək hadisələr də vaxtilə lentə alınıb. Misal üçün seçki kompniyası zamanı Trampın otelin eskalatorundan düşərkən çəkilən fotosudur ki, illər əvvəl eyni səhnə amerikalıların sevimli cizgi filmi “Simpsonlar”-da göstərilmişdi. Və ağıllarda hələ də öz cavabını tapmayan sual buraxdı. Necə ola bilər ki, az qala bütün detallarına qədər oxşar olan hal illər əvvəl bir cizgi filmində yer alsın?
Və nəhayət binanın içərisi barəsində.
Burada bir neçə mağaza, restoran və Trampın adını daşıyan bar da var. Binanın birinci mərtəbəsi isə bizdə daha çox maraq doğurdu. Kiçik kofe satılan yer və onun ətrafında əsl yaşıllıq və kiçik quşlar! Bir sözlə binanın ən alt mərtəbəsi canlı təbiətin öhdəsinə verilmişdi ... Bizim isə hövsələmiz çatmadı, Trampı gözləmədən bu maraqlı məkanı tərk elədik.
Ayaz Mirzəyev
Nyu Yorkdan xüsusi olaraq Eurasia Diary uçun
