Dünən saat 14:30 radələrində Ermənistanın Ararat (Vedi) vilayətində Yerasxavan-Zanqakatun avtomobil yolunda, Yerasxavan inzibati ərazisində "Opel" markalı avtomobillə Ermənistan müdafiə nazirliyinə məxsus "ZİL-131" markalı ՊՆ 34 55 Տ dövlət nömrə nişanlı avtomobillərin toqquşması nəticəsində xəsarət alanlar 3 deyil, 5 nəfər olub.
Bu barədə Tert.am saytına Ararat rayon tibb mərkəzindən məlumat verilib.
Onlardan 4 nəfəri ilkin tibbi yardımdan sonra buraxılıb. Lakin xəsarət alan hərbi qulluqçu İrəvan hərbi hospitalına təxliyyə edilib. Əllərində qırıqlar olan şəxsin 1981-ci il təvəllüdlü müqaviləli hərbi qulluqçu olduğu bildirilib.
İlkin məlumata görə, qəzaya səbəb "Opel" markalı avtomobilin sürücüsü olub. "Zil-131" markalı avtomobil Ermənistan müdafiə nazirliyinin balansındadır.