YPG-PYD təşkilatlarının PKK ilə əlaqələrinin sübut edilməsi məsələsini nəzərə alan Ədalət və İnkişaf Partiyasının rəsmiləri bundan ABŞ-a qarşı məhkəmə prosesinə başlamaq üçün əsas olaraq istifadə edilə biləcəyini düşünürlər.
Bu barədə “Hürriyət” yazıb.
Məlumata görə, Ədalət və İnkişaf Partiyasının kulislərində Barak Obama dönəmində Ağ Evdə yaradılan Terrorla Mübarizə Kəşfiyyat Birliyinin hesabatı müzakirə edilir. Hesabatda YPG ilə PKK əlaqələrinin vurğulanmasına istinad edilərək, ABŞ Konstitusiyasının “Siyahıya alınmış terror qruplaşmalarına dəstək vermək cinayətdir” maddəsinin gündəmə gətirilməsi nəzərdən keçirilir. Partiya rəsmilərinin fikrincə, Obama zamanında hazırlanmış bu hesabatı əsas gətirərək, ABŞ hakimiyyətinin öz Konstitusiyasına əsasən cinayət işləməsi iddiası ilə məhkəmə prosesinə başlamaq olar. Məhkəmə zamanı isə ABŞ-ın YPG-yə verdiyi dəstək, təlim keçilməsi, bunları təsdiqləyən sənəd və fotoları sübut olaraq göstərmək mümkündür.
.jpg)
