Türkiyənin ən böyük raket və reaktiv döyüş sursatlarının istehsalçısı olan ROKETSAN şirkətinin hazırladığı SOM-J raketlərindən beşinci nəsil F-35 qırıcılarında istifadə ediləcək.
Bu haqda ABŞ “Lockheed Martin” şirkətinin dərc etdiyi videoda bildirilir.
Videoda raketin “F-35”nin göyərtəsindən atıla bilməsi, quru və dəniz hədəflərinə hücum, üstdən aşağı şaquli zərbə və hədəfini dəyişdirməsi kimi xüsusiyyətləri vurğulanır. “Som J” raketləri “F-35”lərin radara görünməzlik xüsusiyyəti ilə uyğun olması və göyərtə içində daşınması üçün xüsusi olaraq hazırlanıb.
Daha əvvəl isə ABŞ-ın “National Defense Magazine” nəşrinə danışan ROKETSAN səlahiyyətliləri “F-35” üçün hazırlanan “SOM-J” raketinin ABŞ-a satıla biləcəyini bildirmişdilər.
Qeyd edək ki, “F-35” 5-ci nəsil, radara görünməyən, tək pilot, tək mühərrikli hərbi döyüş təyyarəsidir. İlk uçuşunu 15 dekabr 2006-cı ildə həyata keçirib. Təyyarəni istehsal edən şirkət “Lockheed Martin” şirkətidir. Təyyarənin 3 modeli var: F-35A (qiyməti: 122 mln dollar), F-35B (qiyməti: 150 mln dollar), F-35C (qiyməti: 139 mln dollar).
“F-35”-in xarakteristikası aşağıdakılardır.
Pilot sayı: 1
Uzunluğu: 15.67 m.
Qanadları ilə birgə eni: 10.7 m.
Hündürlüyü: 4.33 m.
Boş halda çəkisi: 13,3 ton.
Maksimum sürət: 1930 km/saat (publika)
