Kanadanın mənfi və təəccüblü mövqeyi tamamilə yanlış və həqiqətə uyğun olmayan bir iddiadır.
Səfirlikdən Eurasia Diary-ə verilən məlumata görə Səudiyyə Ərəbistanı Krallığı Xarici İşlər Nazirliyi, Kanada xarici işlər naziri və Krallıqdakı Kanada Səfirliyinin, Krallıqda saxlanılan "vətəndaş cəmiyyəti fəalları" adlandırdıqları şəxslərlə bağlı bəyanatı ilə tanış olub. Həmin bəyanat Krallığın dövlət qurumlarını qeyd edilən şəxsləri dərhal buraxmağa çağırır.
Nazirlik vurğulayır ki, Kanadanın bu mənfi və təəccüblü mövqeyi tamamilə yanlış və həqiqətə uyğun olmayan bir iddiadır və heç bir düzgün məlumat və faktlara əsaslanmır.
Sözügedən şəxslər, cinayətlər törətmək ittihamı ilə, saxlanılmağı nəzərdə tutan müvafiq qanuni prosedura əsasən aidiyyəti qurum, yəni Baş Prokurorluq tərəfindən saxlanılıb. Qanun-qaydaya əsasən onların hüquqları müdafiə olunur, həmçinin istintaq və məhkəmə araşdırmaları zamanı bütün müvafiq zəmanətlərlə təmin edilirlər.
Nazirlik vurğulayır ki, Kanadanın mövqeyi Səudiyyə Ərəbistanı Krallığının daxili işlərinə açıq və kobud bir müdaxilə sayılaraq, ən sadə beynəlxalq normalar və ölkələr arası münasibətləri tənzimləyən bütün sazişlərlə ziddiyyət təşkil edir. Bu, həmçinin Krallığın qanunlarına və tətbiq edilən proseduralara qarşı böyük və qəbuledilməz bir təcavüz, məhkəmə hakimiyyətinə müdaxilə və suverenlik prinsipinin pozulması hesab edilir. Uzun tarixi boyunca Səudiyyə Ərəbistanı Krallığı heç bir ölkənin onun daxili işlərinə müdaxilə və ya diktə etməsini qəbul etməyib və etməyəcək. Kanada mövqeyini Krallığa qarşı hücum kimi qiymətləndirilir və ona qarşı, Səudiyyə Ərəbistanı Krallığının suverenliyinə toxunmağa cəhd edən istənilən kəsə cavab olacaq qəti bir mövqeyin tutulmasını tələb edir. Qeyd edilən bəyanatda suveren dövlətlər arasında pis və qəbuledilməz ifadə olan "dərhal buraxılma" sözlərinin işlədilməsi çox təəssüflüdür. Səudiyyə Ərəbistanı Krallığı bu məsələ ilə bağlı Kanada hökumətinin mövqeyini tam və qəti rədd etdiyini bildirərək, Kanada da daxil olmaqla, digər ölkələrin daxili məsələlərinə müdaxilə etmədiyini vurğulayır. Həmçinin öz daxili işlərinə və vətəndaşları ilə əlaqələrə hər hansı müdaxiləni qətiyyətlə rədd edir. Kanadalı tərəfdən bu istiqamətdə hər hansı digər addım, Kanada daxili işlər nazirliyinə müdaxilə haqqımızın tanınması kimi qəbul ediləcəkdir.
Kanada və bütün digər dövlətlər bilməlidirlər ki, Krallıq öz vətəndaşlarına başqalarından daha çox can yandırır. Bunları nəzərə alaraq, Səudiyyə Ərəbistanı Krallığı İki Müqəddəs Məscid Xadiminin Kanadadakı səfirini məsləhətləşmələr üçün geri çağırdığını bəyan edir və Kanada səfirini Səudiyyə Ərəbistanı Krallığında arzuedilməz şəxs hesab etdiyi üçün onun 24 saat ərzində Krallığı tərk etməsi tələb olunur. Bundan əlavə Krallıq və Kanada arasında bütün yeni biznes və investisiya əməliyyatlarının dondurulmasını və əlavə digər tədbir görmək hüququnu özündə saxladığını bəyan edir.