Rusiya Müdafiə Nazirliyinin mətbuat katibi İqor Konaşenkov İsrailin sentyabrın 17-də Suriyada keçirəcəyi hava hücumunun bölgəsi haqqında yanlış məlumat verdiyini bildirib. Buna görə vurulan İl-20 daha təhlükəsiz bir sahəyə aparıla bilmədi. Konaşenkov İsrailin ölkədəki ola biləcək qəzaların qarşısını almaq üçün müqavilələri pozduğunu söylədi. Bu barədə Eurasia Diary "Sputnik News"a istinadla xəbər verir.
Jurnalistlərlə açıqlamasında Konaşenkov, İsrailin Suriya hava müdafiə sistemlərinin hədəfi olmasına səbəb olan "İl-20" təyyarələri ilə bağlı radar və hava məlumatı göstərmə sistemindən əldə edilən yeni məlumatları izah edib.
Konaşenkovun sözlərinə görə, İsrail F-16 qırıcıları Suriya hava müdafiə sistemlərinə qarşı "qalxan" kimi istifadə etdiyi İl-20 təyyarəsi vurulandan sonra yerə enib.
Konaşenkov: "İsrail qırıcıları İl-20 təyyarələrindən sonra, zenit raketlərə qarşı özlərini qorudu və bölgədə manevrlərə davam etdi. Hücumdan sonra, İsrail təyyarələri ikinci mümkün plan üçün yenidən Suriyanın 70 kilometrlik qərb sahillərində növbə zonalarına keçdi və enişə hazırlanan İL-20 təyyarəsinə yaxınlaşdı. İsrailli pilot, Il-20 təyyarəsinin F-16-dan təsirə düşmə həcminin böyük olduğunu düşünməməsi və bununla da zenit-raketlərinin hədəfi ola biləcəyini anlamaması mümkün deyil. Bu sırada İl-20 təyyarəsi raketlərin hədəfinə çevrildi”
Onlar bizə olduqları yer barədə də yanlış məlumat veriblər, şimalda deyil qərbdə idilər.
22:53-də təyyarənin vurulmasından sonra İsrailli polkovnikin bizə “Ərazini boşaltdıq, kömək lazımdırsa göndərək” dedi.
22:29-da Rus zabiti İsrail zabitlərini İl-20 təyyarəsinə baş verənlərlə bağlı məlumat verib onların zonadan çəkilmələrini söyləmişdi.
Konaşenkov bu açıqlamalarından sonra tək günahkarın İsrail olduğunu bildirib.
Rusiya İsrailə həmin ərazidə edəcəkləri fəaliyyətlərlə bağlı 310 dəfə məlumat verib. Lakin, İsrail hücumdan əvvəl cəmi 25 dəfə məlumat verib.
Mətbuat katibi İsrail F-16-sının sadəcə İl-20-ni deyil eyni zamanda mülki təyyarələrin də vurulmasına səbəb ola biləcəyini söylədi.
