NATO-nun baş katibi Yens Stoltenberq Brüsseldə jurnalistlərə açıqlamasında bildirib ki, NATO Türkiyə və Suriya sərhədindəki vəziyyətdən narahatdır.
Baş katib Türkiyə ilə Suriya arasındakı vəziyyətin alyansa üzv dövlətlərin xarici işlər nazirlərinin toplantısında müzakirə edəcəklərini deyib.
“Suriyadan Türkiyə ərazisinə atılan bir sıra hücumları müşahidə etdik ki, bu raket hücumları nəticəsində orada dinc, günahsız insanların ölməsi bizdə narahatlıqlar yaratdı. NATO Türkiyə ilə həmrəydir”, deyə baş katib vurğulayıb.
Xarici işlər nazirlərinin iclası mayın 19-20-də Brüsseldə keçiriləcək – Red.
Bu gün həmçinin, Monteneqro və NATO üzvlük sazişini imzalayacaqlar. Beləliklə, Balkan ölkəsi olan Montoneqro hərbi alyansın 29-cu üzvünə çevriləcək.
Yens Stoltenberq deyib ki, bu gün Monteneqro və Qərbi Balkan ölkələrinin sabitliyi baxımından tarixi gündür: “NATO-nun genişlənməsi göstərir ki, alyansın qapısı açıqdır”.
Qeyd edək ki, Monteneqronun baş naziri Milo Djukanovic Brüsseldə NATO xarici işlər nazirlərinin ikigünlük görüşünə qatılacaq, imzalanma da həmin görüş çərçivəsində olacaq. Monteneqro Albaniya və Xorvatiyadan sonra Qərbi Balkanlardan NATO-ya qoşulan üçüncü ölkə olacaq.
Yens Stlonberq əlavə edib ki, Alyans Gürcüstanla iş birliyini davam etdirir: “Əminəm ki, NATO-nun iyulda baş tutacaq zirvə toplantısında Gürcüstan dövlətinin nail olduğu tərəqqi nəticəsiz qalmayacaq”.
NATO və Rusiya münasibətlərinə istinad edən Yens Stlonberq qeyd edib ki, Rusiya bir çox bölgələrdə daha sərt şəkildə davranış müşahidə etdirir: “ Məsələn, Baltik regionunda NATO gəmi və təyyarələrinə çox yaxınlaşan Rusiya təyyarələrinin məsuliyyətsiz və təhlükəli davranışını gördük. Bu hal, alyans üçün Rusiya ilə ikitərəfli münasibətlərdə vacib məqamlardan biri idi”.
Baş katib həmçinin qeyd edib ki, NATO-nun şərq sərhədlərində batalyonların yerləşdirilməsi təklif edilib.
O deyib ki, hələ əsgərlərin sayı və batalyonların yerləri barədə heç bir qərar qəbul edilməyib.
"Eurasia Diary"