İran-Pakistan əməkdaşlığı regional problemləri həll etməyə kömək edəcək | Eurasia Diary - ednews.net

24 May, Cümə


İran-Pakistan əməkdaşlığı regional problemləri həll etməyə kömək edəcək

Dünya A- A A+

Bugün Pakistanın Baş naziri İmran Xan İran prezidenti Həsən Ruhaninin rəsmi dəvətilə İrana iki günlük rəsmi səfər edir. İmran Xanın Tehrana səfəri iki ölkə üçün regional məsələləri həll etmək və müsəlman dünyasında vəziyyətin yaxşılaşmasına kömək etmək üçün böyük bir hadisədir.

Vəzifəyə gəldiyindən bəri bu onun Tehrana ilk rəsmi səfəridir. O, Pakistanın bir sıra yüksək vəzifəli şəxslərindən ibarət nümayəndə heyətinə rəhbərlik edir.

Pakistanın Tehreek-e-Insaf Partiyasının (PTI) lideri, xarici və regional məsələlər üzrə mütəxəssislər də daxil olmaqla Pakistan mətbuatı hesab edir ki, vacib səfəri zamanı İmran Xan müsəlman dünyasında birliyin gücləndirilməsi daxil olmaqla bölgədəki vəziyyətin yaxşılaşdırmaq üçün İran hökuməti ilə birgə işləməyə çalışır. 
 
Pakistanda İmran Xanın vəzifəyə gəlişindən bir neçə ay sonra, ABŞ prezidenti Donald Tramp 1969-cu il Beynəlxalq razılaşmalara dair Vyana Konvensiyasına zidd olaraq qeyri-qanuni tədbirlər gördü. O, ABŞ-ı 2015-ci ildə İranın nüvə proqramı üzrə Uzunmüddətli Birgə Fəaliyyət Planından çıxardı və İrana birtərəfli sanksiyalar tətbiq etdi. İranın qonşuları, xüsusilə Pakistan, bu hadisələri izləyirdi və Tramp administrasiyasının birtərəfli tədbirləri ilə bağlı narahatlıqlarını bildiriblər. 
 
Trampın Qüdsü Sionist rejimin paytaxtı kimi tanıması, Çinlə ticarət müharibəsi, Şimali Koreya ilə tərksilah məsələsində qeyri-sabit mövqeyi, ABŞ-ın Əfqanıstanın gələcəyi ilə bağlı strategiyasının uğursuzluğu və ABŞ-ın sionistlərin Suriyada Qolanı işğalını tanımaq qərarı Tehran və İslamabadın mövqelərini yaxınlaşdırır və onlar müsəlman dünyasının, o cümlədən İran və Pakistan kimi təsir gücünə malik ölkələrin Vaşinqtonun bu cür yanlış hərəkətlərinə qarşı durması lazım olduğuna inanırlar.
 
Pakistan xəbər mənbələri bildirir ki, İmran Xan İranın yüksək səviyyəli səlahiyyətliləri ilə regional problemlərə dair müzakirələr aparacaq və Əfqanıstandakı vəziyyət və İslam ümmətinin üzləşdiyi məsələlərlə bağlı müzakirələr aparacaq.
 
Məlumata əsasən, Pakistan İslam Respublikasının Baş Naziri qarşılıqlı əməkdaşlıq, xüsusilə də iki ölkənin regional sahədə əməkdaşlığını artırmaq və müsəlman xalqlarının vəziyyətilə bağlı məsləhətləşmələr aparmaq məqsədilə İrana səfər edib.
 
Yaxın Şərqdə baş verən hadisələrin inkişafı, İran və bəzi Fars körfəzi ölkələri arasındakı əlaqələri nəzərə alaraq, Pakistan Baş naziri dəfələrlə bölgənin problemlərini həll etmək, Yaxın Şərqdəki münaqişələrin qarşısını almaq və xüsusilə də, Yəməndəki qarşıdurmanı həll etməyə kömək etmək arzusunu ifadə etdi.
 
İmran Xan bir neçə dəfə Tehranla Riyad arasında vasitəçilik etmək təklifini verdi və o, Yəmən münaqişəsi ilə bağlı İran İslam Respublikası ilə Səudiyyə Ərəbistanı ilə əlaqə saxladığını söyləyib.
 
Baş nazir postuna gələn İmran Xanla Ədalət Hərəkatı Partiyasının da hakimiyyətə gəlməsilə, Əfqanıstanda vəziyyət, Hindistanda yaşanan gərginlik, Tramp administrasiyasının İslamabada qarşı sərt yanaşması və Orta Şərqdə baş verən hadisələrlə bağlı Pakistanın mövqeyi və ən başlıcası, Pakistanın İran İslam Respublikası ilə uzun müddətdir qurulan əlaqələrinin qorunması İmran Xanın barəsində mühüm qərarlar qəbul edəcəyi əsas məsələlərdir.
 
İmran Xan, Pakistan hökumətinin ümumi seçkiləri zamanı onun hökumətinin qonşu ölkələrlə, o cümlədən İranla əlaqələri dərinləşdirmək və inkişaf etdirmək istədiklərini söyləmişdi.
 
Digər tərəfdən, İran İslam Respublikası xarici siyasətində hər zaman qarşılıqlı hörmət  və digər ölkələrin işlərinə müdaxilə etməmək prinsipinə əsaslanır və qonşuları ilə xüsusən də Pakistanla əlaqələri genişləndirməyə diqqət yetirir.
 
Yüksək səviyyəli rəsmilərin görüşü iqtisadi, siyasi, təhlükəsizlik və enerji sahələrində qarşılıqlı əlaqələrin inkişaf etdirilməsi və iki ölkə arasında müxtəlif sahələrdə, xüsusilə də sərhəd və təhlükəsizlik məsələlərində qarşıdakı müqavilələrin imzalanmasını nəzərdə tutur və ikitərəfli əməkdaşlıq üçün interaktiv mühitin olduğunu göstərir.
 
İki dövlətin hökumət nümayəndələri dəfələrlə Tehran və İslamabada səfərlər edib, öz ölkələrinin strateji məsələlərinə nəzarət edib və heç bir xarici ölkənin onların işinə müdaxilə etməsinə icazə verməyiblər.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...