Vladimir Zelenskinin sirri - TV prezidentindən real namizədliyə doğru - FOTOLAR | Eurasia Diary - ednews.net

19 May,


Vladimir Zelenskinin sirri - TV prezidentindən real namizədliyə doğru - FOTOLAR

Dünya A- A A+

21 aprel, bazar günü Ukrayna müstəqillik qazandıqdan sonra yeddinci dəfə öz prezidentini seçəcək. Görünməmiş sayda namizədlər seçkidə iştirak etmişdi. Lakin martın 31-də keçirilən ilk turda onlardan yalnız iki nəfərə verilən səslərin sayı çoxluq təşkil edib: hazırki prezident Pyotr Poroşenko (15.95% və ya 3 milyon səs) və komediyaçı Vladimir Zelenski (30.24% 5.7 milyon səs).

Ukranyalıların əksəriyyəti Zelenskini sonradan eyni adlı prodakşn studio olan, komediya filmi "Kvartal 95"-dən tanıyırlar. Onun şousu yalnız Ukraynada deyil, digər postsovet ölkələrində məşhur kanallar sayılan Inter və 1+1-də yayımlanır.

Zelensky Ukraynanın Dnipropetrovsk vilayətindəki sənaye şəhəri olan Krivoy Rog-da anadan olub və hüquqşünas təhsili alıb. Lakin o, uğur qazanacağı fərqli bir karyera yolunu seçir: onun komediya qrupu ildə 10 milyon ABŞ dolları gəlir əldə edir.

Zelinskinin populyarlığı 2015-ci ildə Ukrayna Prezidenti rolunu oynadığı “Xalqın xidmətçisi” adlı teleserialın ulduzuna çevrildiyi zaman artdı. Serialda Zelenskinin canlandırdığı obrazı öz şagirdləri tərəfindən yaradılan virus xarakterli videosundan sonra prezident seçkilərində qalib gələn, orta məktəbdə işləyən tarix müəllimidir. Videoda onun Ukraynada hökumətində mövcud olan korrupsiyaya qarşı çıxdığı göstərilir. Serialın ikinci bölümü əsasında hazırlanan bədii film 2017-ci ildə Ukraynada ən çox izlənilən filmə çevrildi və 24 milyon UAH qazandı (800.000 dollar).

Bəzi analitiklərin fikrincə “Xalqın Xidmətçisi” öz ulduzunun gələcəkdə prezidentlik kampaniyası üçün zəmin hazırlamağı nəzərdə tuturdu. Əslində, serialın əsas mövzusu ənənəvi siyasi quruluşa görə məyus olan bir çox insanların diqqətini cəlb edən bir növ 'Ukrayna arzusu' kimi qəbul edilə bilər.

2017-ci ildən etibarən, Zelenski və komandası "Xalqın Xidmətçisi"ni siyasi partiya kimi qeydə aldıqdan sonra onun prezidentliyə namizədliyini irəli sürə biləcəyilə bağlı şayələr dolaşırdı. Artıq 2017-ci ildə Zelenski 4% səs toplamışdı; 2018-ci ilin sonuna doğru bu say 8% -ə çatmış və yeni il ərəfəsində 1+1 TV-də namizədliyini irəli sürəcəyini açıqladıqdan sonra səs sayı daha da artdı. 2019-cu ilin fevral ayına qədər o, artıq uzun müddət siyasətdə olan Poroşenko və Yuliya Timoşenkonu qabaqlayaraq ictimai rəy sorğusunda lideri oldu.

Lakin, prezidentliyə namizədin üzərinə düşən əsas vəzifələrə baxmayaraq, Zelenski öz şousu ilə ölkəni gəzməyə davam etdi və film çəkilişlərinə ara vermədi. O, nə müsahibə verməyə, nə də öz siyasi fikirlərini insanlara izah etməkdə çətinlik çəkmirdi.

Zelenskinin potensial qələbəsi hələ də bir çox suallar ortaya çıxarır, həmçinin, qeyri-müəyyənlik yaradır. Bəziləri onun prezidentliyinin Ukrayna üçün fürsət sayıla biləcəyinə inanırsa, digərləri Zelenskinin siyasi təcrübəsinin çatışmazlığından tutmuş, kimi təyin edəcəyi barədə məlumatının olmamasına, siyasi xəttin aydın görünüşündən daha çox ziddiyyətli mesajlar verən manipulyasiya kampaniyasına qədər bir çox təhlükəyə səbəb olacağından ehtiyat edirlər. Bazar günü Ukraynalıların onun barədə həqiqətdə nə düşündükləri bilinəcək.

1

1

1

Berlin Policy Journal

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...