ABŞ-ın Türkiyəyə ehtiyacı var
Əgər Türkiyə S-400-ü əldə etsə, ABŞ-ın bu məsələdə itirəcəyinə dair fikirlər var. ABŞ Türkiyənin S-400-ü almasını istəmir. Ancaq ABŞ Türkiyə ilə əlaqələrini də itirmək istəmir. İki dövlət arasında münasibətlər hər zaman güclü olub və ümid edirik ki, bu belədə davam edəcək. ABŞ-ın Türkiyəyə ehtiyacı var. Türkiyə Rusiyanı hər zaman özünə təhlükə olaraq görür. Ona görə də, Türkiyə Rusiya ilə əlaqələri gücləndirmək üçün qarşıda duran problemləri həll etməyə çalışır. Çünki hal-hazırda Türkiyənin istər Yaxın Şərqdə, istər Orta Asiyada istərsə də Qafqazda Rusiya dövlətinə ehtiyacı var.
Ərdoğanın Milliyyətçi Hərəkat Partiyasına, dövlətin isə Bahçeliyə çox ehtiyacı var
Hər şey zamanla bəlli olacaq. Ərdoğanın daxili və xarici siyasət ilə bağlı işi olduqca çətindir. Seçkilərdən əvvəl yeni partiyanın yaranacağı barədə fikirlər yayılmışdı. Ədalət və İnkişaf Partiyası daxilində müxaliflərin inkişaf edəcəyini bildirdi. Türkiyə-İraq sərhədində Türkiyə ordusundan iki əsgər şəhid oldu. Şəhid əsgərin Ankaradakı dəfn mərasimində Kamal Kılıçdaroğlu iştirak etdi. Bu hücumu qınayanlar çox oldu. Ancaq iki nəfərin qınağı daha maraqlı oldu. Sabiq prezident Abdullah Gül və Baş Nazir Əhməd Davudoğlu öz twitter səhifələrində hücumu qınadılar və iqtidarı sətiraltı tənqid obyektinə çevirdilər. 22 apreldə sabiq Baş Nazir Əhməd Davudoğlu öz Facebook səhifəsində 31 mart bələdiyyə seçkiləri ilə əlaqədar açıqlama verdi. O açıqlamasında iqtidarı sərt tənqid etdi. Bununla da Türkiyə gündəmi dəyişdi. Yeni partiyanın qurulması üçün siqnallar verilməyə başladı. Ancaq bu partiyanı kimin yaradacağı hələ də bəlli deyil. Bu partiyanın sabiq prezident Abdullah Gül və nazir Əli Babacan, yoxsa Əhməd Davudoğlumu yaradacaq? Bu Türkiyədə yeni siyasi proseslerin başlanmasının bir göstəricisidir. Ərdoğanın işi çətindir. Bu çətinliyi aradan qaldırmaq üçün Ərdoğanın Milliyyətçi Hərəkat Partiyasına və dövlətin isə Bahçeliyə çox ehtiyacı var.
Son sözü Türkiyə vətəndaşları deyəcək
Türkiyə respublikasının qurulmasının iki məqsədi var. Birinci məqsəd, ölkə ərazisinin bütövlüyünü və vətəndaşların təhlükəsizliyini qorumaqdır. İkinci məqsəd, ölkənin iqtisadiyyatını gücləndirmək və ölkəyə pul qazandırmaqdır. Onların məqsədi nə Türk birliyi nə də ki, İslam birliyi qurmaqdır. Burada əsas məqsəd dövlət maraqlarıdır. Türkiyənin hal-hazırda gündəm məsələsi vətəndaşların rifahıdır. İndi Ərdoğan növbədənkənar seçkilərdə iştirak etsə məğlub ola bilər. Ancaq o, növbəti seçkilərin 2023-cü ildə keçiriləcəyini bildirdi. Ərdoğanın hazırda əsas məqsədi ölkə iqtisadiyyatını gücləndirməkdir. O, ölkədəki bütün idarəetmə orqanlarında söz sahibidir. Buna görə də 2023-cü ildəki seçkilərin gərgin olacağı görünür. Türkiyə dövləti və cəmiyyətində siyasi gündəmi tez-tez dəyişir. Türkiyə vətəndaşlarına yaşamaq üçün pul lazımdır. Çünki evdə qazan qaynamalıdır. 2023-cü ildə keçiriləcək seçkilərdə hər şey olar bilər. Ərdoğan yenidən qalib gələ də bilər, məğlub ola da bilər. Son sözü Türkiyə vətəndaşları deyəcək. Ancaq Türkiyə vətəndaşları meydanlarda başqa, küçələrdə isə tamam başqa söz deyirlər. Və seçki günləri qutulardan sürpriz nəticələr çıxır.
