Gallup 2019 Qlobal Emosiyalar Hesabatının nəticələri nəşr olunub. Eurasia Diary xəbər verir ki, 143 ölkədə insanların beş mənfi - ağrı, narahatlıq, kədər, stress və qəzəb hissləri ilə bağlı sorğu aparılıb. Bu hesabata əsasən, dünyanın ən qəzəbli milləti Ermənistandır, insanların təxminən 45% -i özlərini qəzəbli hiss edir.
Hesabat göstərir ki, Yaxın Şərqdə qəzəbin dərəcəsi daha yüksəkdir. İraqlıların 44 faizi qəzəblidir. İŞİD-in yaratdığı döyüş məkanı dövlət orqanlarını fəaliyyətsiz hala gətirib. İraqlıları bu çox qəzəbləndirir. Dövlətin köməyini görmürlər.
2018-ci ildə ən az qəzəbli ölkələr - öz əhalisinin 8% və ya daha az hissəsinin qəzəbləndiyini söyləyənlər - Estoniya, Sinqapur, Finlandiya, Mauritius və Meksika olub. Ən az narahat hiss edən ölkələr - əhalisinin 20% və ya daha az hissəsi narahatl olduqlarını ifadə edən ölkələr - Tayvan, Qırğızıstan, Qazaxıstan, Sinqapur və Özbəkistan olub. Ən narahat ölkə Mozambikdir.
Yunanıstan siyahıda 3-cü dəfə ən çox stressli ölkədir və böyüklərin 59% -i anketə cavab verərkən, çox stressli olduqlarını söyləyiblər.
Azərbaycan, Belarus və Latviya isə ən az stress keçirən ölkələr kimi göstərilib.
Ümumiyyətlə, ilk 10-luqda vəziyyət belədir:
Ermənistan 45
İraq 44
İran 43
Fələstin 43
Mərakeş 41
Türkiyə 40
Niger 39
Çad 38
Liviya 38
Pakistan 38