İstanbulda yenidən keçirilən bələdiyyə seçkilərinin taleyini nə həll edəcək?
İstanbulda 23 iyunda yenidən bələdiyyə seçkiləri olacaq. Hələ ki, dörd namizəd var. AKP, CHP, Vətən partiyası və Səadət partiyası seçkilərdə iştirak edəcək. Digər siyasi partiyalar əsas da sol partiyalar seçkilərdə CHP-yə dəstək verəcəklərini bildiriblər. Mübarizə iki namizəd arasında gedir. Binəli Yıldırım və Əkrəm İmamoğlu arasında. Binəli Yıldırım seçki kampaniyasında iştirak edir. Ancaq xalq arasında əsas Ərdoğan gəzir və təbliğat aparır. Seçkilərin niyə yenidən keçirilməsini izah edir. Ərdoğan başqa taktiki addımlar atır. İstanbul Bələdiyyə məclisində İstanbulda təhsil alan tələbələr üçün şəhər nəqliyyatında qiymət aşağı salmaq qərarını verdilər. İstanbul sakinlərinə suyun qiymətini aşağı saldılar. Baxmayaraq ki, İmamoğlu deyir "Bu addımlar mənim idi, AKP edir. Bəs İmamoğlu necə təbliğat aparır?
İmamoğlu yenə qapı-qapı gəzir. İnsanlara seçkilərin niyə ləğv edildiyini izah edir. İmamoğluda biraz da əminlik var ki, seçkilərin qalibi olacaq. Bundan başqa, dollar kursu qalxır, enir. Qiymətlər ölkədə hər gün qalxır. Bundan başqa ölkənin tanınmış iş adamlarının siması olduğu Türkiyə Beynəlxalq İş Adamları Dərnəyi (TÜSAD) İstanbulda seçkilərin yenidən keçirilməsini tənqid edib.
Bəs seçkilərin taleyini nə dəyişəcək?
Hələ ki, yarış bərabər gedir. İmamoğlunun qalıb gəlmə şansları çoxdur. Binəli Yıldırım da seçilə bilər və hər şey seçicinin əlindədir. Fikirimcə, seçkinin taleyini keçən seçkidə İstanbulda səs verməyən bir milyon üç yüz min seçici həll edəcək. Bu səsləri kim alsa o da qalıb gələcək. Bu səsləri almaq üçün hər iki tərəf mübarizə aparır. Müşahidələrimə görə bir milyon üç yüz min səs hər iki namizədə gedə bilər. Kim çox və ya az səs alacaq bu 23 iyun gecəsi bilinəcək.
Teymur Qasımlı