Vaşinqton S-400-ə görə Ankaraya sanksiyaya hazırlaşır - 15 iyul çevrilişinin ildönümündən sonra... | Eurasia Diary - ednews.net

23 İyul, Çərşənbə axşamı


Vaşinqton S-400-ə görə Ankaraya sanksiyaya hazırlaşır - 15 iyul çevrilişinin ildönümündən sonra...

Dünya A- A A+
“S-400” zenit-raket kompleksləri ilə əlaqədar yaranmış vəziyyət üzündən Türkiyə NATO-nu tərk edə bilər ki, bu da Rusiya prezidenti Vladimir Putinin nəhəng qələbəsidir.
 
Almaniyanın “Focus Online” jurnalının eksperti Tomas Yegerin fiikrincə, Vaşinqton bu hadisəyə Türkiyəyə qarşı sanksiya tətbiq etməklə cavab verəcək, rəsmi Ankara isə bunun əvəzində hərbi-siyasi blokdan çıxa bilər.
 
“Alyans üçün bu, nəhəng geostrateji itki olacaq”, - Yeger yazır.
 
Professor qeyd edir ki, bu münaqişənin nəticəsi Türkiyə prezidenti Rəcəb Tayyip Ərdoğanın öz siyasi gələcəyi üçün kimi qarant olaraq görməsindən asılıdır. Lakin Ankara radikal addımlara əl atmasa belə, NATO-ya artıq böyük zərbə endirilib.
 
Türkiyə ilə bu sövdələşmə sayəsində Rusiyanın dünyadakı nüfuzu sürətlə artmaqda davam edəcək, rusiyalı hərbçilər gizli məlumatları əldə edə biləcəklər. Tomas Yeger belə yazır.
 
ABŞ Türkiyəyə qarşı sanksiyaları niyə ləngidir?
 
Rusiyadan “S-400” zenit-raket kompleksləri aldığı üçün Türkiyəyə qarşı sanksiyalar paketi hazırlanır.
 
Virtualaz.org “Bloomberg”ə istinadən xəbər verir ki, Ağ Evdə üç müxtəlif variantda sanksiyalar paketi hazırdır və onlardan birini ABŞ prezidenti Donald Tramp təsdiqləməlidir.
 
Mənbəyə əsasən, sanksiyaların tətbiqi barədə gələn həftənin sonlarına yaxın elan olunacaq. Buna səbəb iyulun 15-də Türkiyədə 2016-cı ildə baş vermiş dövlət çevrilişinə cəhdin 3 illiyinin qeyd olunmasıdır. Ağ Evdə hesab edirlər ki, sanksiyaların elanının həmin tarixlə üst-üstə düşməsi belə təəssürat yarada bilər ki, ABŞ həmin çevrilişi dəstəkləyir. (moderator.az)

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...