İngiltərədə Tereza Meyin istefasından sonra yeni baş nazir seçilib. Əvvəllər Londonun bələdiyyə başçısı və ölkənin xarici işlər naziri postlarını tutmuş Baris Conson İngiltərənin yeni hökumət rəhbəri olub.
Bəs İngiltərənin yeni baş naziri seçilmiş bu şəxs kimdir?
Qeyd edək ki, Baris Conson əslən türkdür. Hətta onun ulu babası Osmanlı imperiyasının sonuncu Daxili İşlər naziri olan Əli Kamal Paşa olub. Əli Kamal Paşa Türkiyənin İngiltərə tərəfindən işğalını dəstəkləyən siyasətçi və jurnalistlərdən biri olub. Xalq tərəfindən çox da sevilməyən bu şəxs o dövrün hürriyyət qəhrəmanları olan Ənvər və Tələt paşaların hökümətinin qəti əleyhdarı olub. Hökumət tərəfindən 1922-ci ilddə həbs edilən Əli Kamal azadlığa buraxılarkən gənc zabitlərin hücumuna məruz qalıb. Nəticədə başı daşla yarılaraq öldürülüb. Sonradan cəsədi çılpaq vəziyyətdə şəhərin küçələrində sürütlənib...
Baris Conson da ulu babası kimi keçmiş jurnalistdir. Siyasi kariyerası isə 2001-ci ildə millət vəkili seçilməsi ilə başlayıb. 2008-2016-cı illərdə iki dəfə seçkilərdən qalib ayrılan Conson London bələdiyyəsinə rəhbərlik edib. 2016-cı ildə İngiltərənin Avropa Birliyindən ayrılması üçün keçirilən Brexit referendumunu dəstəkləyən əsas simalardan biri idi. Terezza Meyin hökumətində iki il xarici işlər naziri vəzifəsini tutmuş Conson 2018-ci ilin iyulunda baş naziri Brexit mövzusunda Aİ ilə imzaladığı razılaşmanı sərt tənqid etdikdən sonra istefa vermişdi.
Conson anti-islamçı fikirləri ilə tanınan bir siyasətçi olub. Xarici İşlər naziri vəzifəsində çalışarkən başı bağlı müsəlman qadınları “poçt qutusu” na bənzətməsi qlobal səviyyədə müzakirələrə səbəb olmuşdu. Conson sonradan bu barədə jurnalsitlərə açıqlama verərəkən sözlərinin yanlış anlaşıldığını bildirib və qeyd edib ki, bu geyim sadəcə ona gülməli gəlir.