Tunisdə 15 sentyabrda keçiriləcək Prezident seçkilərində iştirak etmək üçün 98 nəfər namizədliyini irəli sürüb.
Eurasia Diary "Qafqazinfo"ya istinadan xəbər verir ki, bunların arasında Liberal partiyasının dəstəklədiyi hüquqşunas Münir Batur da var.
Münir digərlərindən fərqləndirən onun homeseksual olmasıdır. Batur ərəb dünyasında ilk homeseksual prezidentliyə namizəddir.
O, LGBT üzvlərinə "xəstə" deyənlərə səslənib: "Əgər xəstəlik dediyiniz homeseksuallığa bir dərmanınız varsa, onu bizə verin Tunis tibb üzrə Nobel mükafatını qazansın".
Baturun sözlərinə görə, LGBT üzvləri Tunisdə fəlakət kimi qəbul olunur və onlara buna görə 3 il həbs verilir. Halbuki həbslərlə onların homeseksuallığını aradan qaldırmaq mümkün deyil. Belə çıxır ki, LGBT üzvləri ömür boyu həbs qalmalıdır.
Qeyd edək ki, namizədlərin qeydiyyatı avqustun 31-də baş tutacaq.