"Pakistan mübahisəli Kəşmir məsələsində Hindistanın hərəkətlərinə tam cavab verəcək və beynəlxalq ictimaiyyət orada baş verən "fəlakət" üçün məsuliyyət daşıyacaq".
Eurasia Diary “voiceamerica”ya istinadən xəbər verir ki, bunu Pakistanın Baş naziri İmran Xan 1965-ci ildə Hindistanla müharibədə həlak olan Pakistan əsgərlərinin illik anım günündə bildirib.
Bu həftə İmran Xan Cənubi Asiya qonşuları arasında müharibənin biöyük risk olduğunu, lakin ilk addımı Pakistanın atmayacağını deyib.
Qeyd edək ki, Hindistanın Baş naziri Narendra Modi avqustun 5-də Kəşmirin xüsusi statusunu ləğv etdikdən sonra Hindistan qoşunları Kəşmir vadisinə yeridilib, hərəkəti məhdudlaşdırılıb və rabitə sistemi kəsilib.
Pakistan Silahlı Qüvvələrinin mətbuat katibi general-mayor Asif Qafur isə bəyanatla çıxış edərək Hindistanı gərginliyi alovlandırmada ittiham edib: “Hindistanın işğal edilmiş Kəşmirdəki hərəkətləri regionun tədricən sabitliyə doğru irəlilədiyi bir vaxtda baş verir, ancaq Hindistan yeni müharibənin toxumlarını səpir”.