Beynəlxalq Turizm Təşkilatının (UNWTO) Rusiyanın Sankt-Peterburq şəhərində keçirilən 23-cü Baş Assambleyasında, təşkilatın 2021-ci ildə keçiriləcək növbəti toplantısına ev sahibliyi edəcək ölkənin adı məlum olub.
Mərakeş səfirliyindən Eurasia Diary-ə verilən xəbərə görə, Baş Assambleyanın 24-cü toplantısı Mərakeşdə keçiriləcək. Tədbirdə iştirak edən 107 ölkəndən 76-sının nümayəndəsi ev sahibliyi etmək üçün Mərakeşin namizədliyini dəstəklədiyi halda, digər namizədlərdən Filippin 15, Keniya isə cəmi 13 səs toplaya bilib, 4 ölkə isə bitərəf qalıb.
Seçki başa çatdıqdan sonra Mərakeşin turizm naziri Məhəmməd Səcid mətbuata açıqlama verib. Nazir deyib ki, Mərakeşə göstərilən etimad, Krallığın turizm sahəsində əldə ediyi uğurların parlaq nəticəsidir.
"Bu qələbə, Mərakeş xalqının zəhmətinin bəhrəsi olub, Kral VI Məhəmməd tərəfindən bütün sahələrdə davamlı və əhatəli inkişafa istiqamətlənmiş strategiyanın göstəricisidir. Bu qələbə eyni zamanda, Krallığın turizm sahəsində üstün mövqeyini, davamlı və sabit inkişafını göstərir", - nazir Məhəmməd Səcid deyib.
O, səsvermənin yalnız Mərakeş deyil, həm də bütün Afrika qitəsi üçün qələbə olduğunu bildirib. Nazir bu prosesdə Mərakeşi dəstəkləyən bütün ölkələrə təşəkkür edib.