Türkiyə Prezidenti Rəcəb Tayyib Ərdoğan sentyabrın 16-da Ankarada keçiriləcək Rusiya və İran liderləri ilə üçtərəfli görüşdən gözləntilərini bölüşüb.
Eurasia Diary bildirir ki, bu barədə “Anadolu” məlumat yayıb.
R.T.Ərdoğan deyib ki, görüşdə əsas diqqət İdlibdəki proseslərə yönələcək. Müşahidə məntəqələri və terrorizmlə mübarizə məsələləri üzrə də fikir mübadiləsi aparılacaq.
Prezident Ərdoğan Türkiyə və ABŞ Silahlı Qüvvələrinin Suriyanın Fərat çayının şərqində birgə hava patrul xidmətini davam etdirdiyini də söyləyib.
Türkiyə lideri Suriyanın şimal-şərqində "təhlükəsizlik zonası" yaratmaq planlarından da danışıb.
R.T.Ərdoğan qeyd edib ki, Ankara üçün ABŞ-ın PYD/YPG terrorçuları üzrə mövqeyi vacibdir: "Bu gün biz ABŞ-ın bu məsələ üzrə mövqeyinin Türkiyənin maraqlarına cavab verdiyini deyə bilmərik".
Türkiyə Prezidenti əlavə edib ki, Suriya məsələsi ABŞ Prezidenti ilə Nyu-Yorkda keçiriləcək BMT-nin Baş Assambleyası çərçivəsində planlaşdırılan görüş zamanı da müzakirə ediləcək. (virtualaz.org)