Ermənistan ictimaiyyəti, həmçinin respublikaçılardan olan Ermənistan Mərkəzi Bankının sədri Artur Cavadyanın, eləcə də Ermənistan Mərkəzi Seçki Komissiyasının sədri Tiqran Mukuçyanın, Ermənistan Statistika Xidmətinin rəhbəri Stepan Mnatsakanyanın da azad ediləcəyini gözləyirdi.
Eurasia Diary xəbər verir ki, bu il yalnız qalmaqal qəhrəmanları olan qubernatorlar - timsah mütəxəssisi Qarik, diş həkimi Andrey, Vayots Dzor rəhbəri Trdat, Araqatsnot rəhbəri David və başqaların da dəyişikliklərin olacağını gözlənilirdi.
Ancaq Paşinyanın ən uğurlu kadrı hesab olunan, köhnə qvardiyanın nümayəndəsi olmuş, lakin keçmiş hakimiyyət dövründə yüksək statusu olmayan və Paşinyan üçün böyük tapıntı hesab ediləcək, işini yarımçıq qoymayan və hətta Futbol Federasiyasının prezidenti vəzifəsində bəzi “uğurlar”a imza atan Artur Vanetsyan uzaqlaşdırılır.
O, həmçinin Qarabağ və Rusiya hakimiyyətləri üçün məqbul bir kadr olub. MTX sistemində də ona hörmətlə yanaşılırdı.
Bəs bu çıxarılmanın səbəbi nədir və bunun nəticələri nə olacaq?
Son hadisələri nəzərə alaraq, Paşinyan sərt addımlar atmaq qərarına gəlib və ölkənin diktaturaya doğru irəliləcəyi istisna edilmir. Ermənistan Konstitusiya Məhkəməsinə qarşı qanun layihəsinə, bank sirrinə qarşı qanuna, yeni cinayət işlərinə və Köçəryanın işi ilə bağlı geri çəkilməyən mövqeyə bu çərçivədə baxılmalıdır.
Ermənistan MTX rəhbərinin istefası yalnız bir şey deməkdir, Paşinyan tutmaq, mühakimə etmək, məcbur etmək, qorxutmaq kimi davranışlarını sərtləşdirməyi əmr edib, Vanetsyan isə bundan əl çəkib və hakimiyyətin əlində vasitə olmamaq üçün ayrılmağı üstün tutub. Çünki bir gün istənilən halda ödəmə, cavab vermə anı gələcək və hər kəs etdiyi əmələ görə cavabdeh olacaq. Necə ki, indi də bir zamanlar Ermənistan hakimiyyət üçün qanunazidd qərarlar qəbul edən hakimlər cavab verirlər.
Ermənistanda növbəti Polis rəisinin və ya MTX rəisinin kim olacağını söyləmək çətindir, amma bir şey aydındır ki, bu şəxslər Paşinyanın əmrlərinə tabe olacaqlar. Xüsusilə, bu gün qanun qüvvəyə mindiyi üçün bu vəzifələri artıq küçədən peyda olan, kənar təsadüfi insanlar tuta bilər.
Kadr heyətindən olan polis məmuru və təhlükəsizlik zabiti şübhəli təlimatlar aldıqda bir az müqavimət göstərə bilərdisə və tərcümeyi-halı, keçdiyi xidmət yolu olmayan yalnız Paşinyanın sayəsində təyinatı ilə bağlı bəxti gətirən adam isə istənilən qanunsuz əmrləri icra etməyə hazır olacaq. (ordu.az)
