Birləşmiş Millətlər Təşkilatı Ukraynada vətəndaş müharibəsi zamanı beş il ərzində 3 min 330 nəfər mülki şəxsin öldüyünü, 9 min insanın isə yaralandığını açıqlayıb.
Eurasia Diary xəbər verir ki, 2014-cü ilin sonlarında Ukraynada Rusiya ilə Kiyev arasında gərginlik Kiyev meydanında başlanan etirazlar nəticəsində vətəndaş müharibəsinə səbəb oldu. 2015-ci ildə Rusiya tərəfdarları Ukraynaya aid olan Krımı ələ keçirərək referendum keçirmişdi. Həmin vaxt baş verən vətəndaş müharibəsi zamanı bir çox mülki şəxslər zərər çəkib. Birləşmiş Millətlər Təşkilatı müharibənin 5-ci ildönümündə ölən və yaralıların sayını açıqlayıb.
Birləşmiş Millətlər Təşkilatının sosial media hesabında yayımladığı statistikaya görə 5 ildə müharibədən 4,5 milyon insan zərər çəkib. 3 min 330 nəfər mülki şəxs həlak olub, 9 min nəfər isə yaralanıb. Bildirilir ki, müharibə 427 kilometr ərazini əhatə edib. Müharibə zamanı 1 milyon 300 min insanın evlərini tərk etmək məcburiyyətində qalıb, 3 milyon yarım insanın isə köməyə ehtiyacı olduğu bildirilir. Bölgədə vətəndaş müharibəsi hələ də davam edir və xalqın isə sülh istədiyi deyilir. (Moderator.az)