İsrai ordusu Suriyada onlarla hədəfə zərbə endirib.
Eurasia Diary xəbər verir ki, bu haqqda məlumatı “Haaretz” qəzeti yayıb. Hücum edilən hədəflərin Əsəd rejimi ilə yanaşı, İran İslam İnqilabı Keşikçiləri Korpusunun Qüds briqadasına da məxsus olduğu bildirilib.
Hücumun İran qüvvələrinin İsrail ərazisinə atdığı raketə cavab olaraq həyata keçirildiyi qeyd edilib.
İsrail baş naziri Netanyahu da bunun İsrail ərazisinə açılan atəşə verilən cavab olduğunu deyib.
“Kim bizə zərər vurarsa, ona ağrılı cavab verəcəyik. Biz bu gecə İranın Qüds briqadası və Suriyanın hərbi obyektlərinə qarşı məhz belə də etdik”, - Baş nazir bildirib. (axar.az)