İsrail ordusu mühasirə altında olan Qəzza zolağında İsrail tərəfinə 20 raket atıldığını açıqlayıb.

Ordunun açıqlamasında fevralın 23-də axşam radələrində Qəzzadan atılan raketlər səbəbindən İsrail tərəfindən sirena səslərilə xəbərdarlıq edildiyi bildirilib.

Eurasia Diary xəbər verir ki, açıqlamada atılan 20 raketdən 10-nun İsrailə məxsus “Dəmir qübbə” hava müdafiə sistemi tərəfindən zərərsizləşdirildiyi ifadə edilib.

Yerli mətbuat raket atışları nəticəsində ölən olmadığını və xəsarətin yaranmadığını bildirib.

Raket hücumlarının İsrail əsgərlərinin fevralın 23-də səhər Qəzza zolağında bir fələstinlinin ölümündən  sonra ortaya çıxan qeyri-insani görüntülərdən saatlar sonra edilməsi diqqət çəkib.

Qeyd edək ki, İsrail əsgərləri fevralın 23-də səhər radələrində “partlayıcı maddə” yerləşdirdiyi səbəbindən 2 fələstinliyə atəş açmış, bunlardan birini həyatını itirmiş, digəri də yaralanmışdı.

Bölgədə olan fələstinlilər həyatını itirən nəfərin nəşini götürmək istəyib, lakin İsrail ordusuna məxsus əsgərlər qrupa atəş açaraq, mane olmuşdu.(trtazərbaycan)