Çin Rusiyanın koronavirus yardımından imtina edib | Eurasia Diary - ednews.net

7 Aprel, Çərşənbə axşamı


Çin Rusiyanın koronavirus yardımından imtina edib

Dünya A- A A+

Çinin Qansu şəhəri Rusiyanın Yekaterinburq şəhərindən göndərilən humanitar yardımdan imtina edib.

EdNews xəbər verir ki, bu barədə Rusiyanın “Lenta.ru” saytında məlumat verilib.

Məlumatda deyilir ki, Yekaterinburqla “qardaşlaşan” Qansu şəhərinin rəhbərliyi Rusiyadan göndəriləcək yardıma ehtiyac olmadığını bildirib. Eyni adlı vilayətin paytaxtı olan bu şəhərdə koronavirusla bağlı vəziyyətin stabil olduğu bildirilir.

Əvəzində Yekaterinburq da daxil olmaqla, Rusiyanın bir çox şəhərlərində vəziyyətin rəsmi statistikada göstəriləndən xeyli fərqləndiyinə dair şübhələr mövcuddur. Çinin sözügedən şəhərinin Rusiyadan gələn yardımdan imtinası da məhz bununla əlaqələndirilir.

Yekaterinburqun aid olduğu Sverdlovsk vilayətində koronavirus epidemiyası ilə bağlı mürəkkəb vəziyyətin yarandığına dair iddialar var. Bu barədə informasiyalara müxtəlif xəbər portallarında rast gəlmək mümkündür. “Qırmızı Xaç” təşkilatının Sverdlovsk vilayəti üzrə rəhbəri Dmitri Verşinin isə deyib ki, Çinin imtina etdiyi tibbi vasitələr yerli əhaliyə çatdıralacaq.

Qeyd edək ki, rəsmi statistikaya görə, Sverdlovsk vilayəti üzrə yalnız 9 nəfərdə koronavirus diaqnozu aşkar edilib. Lakin görünür, Çində bu statistikaya inananlar çox deyil...

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...