Koronavirus səbəbindən 270 milyon amerikalı evdə qalmağa məcbur olub | Eurasia Diary - ednews.net

28 May, Cümə axşamı


Koronavirus səbəbindən 270 milyon amerikalı evdə qalmağa məcbur olub

Dünya A- A A+

Yeni koronavirusun yayılmasının qarşısını almaq üçün evlərində izolyasiyada qalmağa məcbur olan amerikalıların sayı 270 milyona çatıb.

EdNews bu barədə "New York Times” qəzetinə istinadla xəbər verir.

Əhalisinin sayı təxminən 330 milyon nəfər olan ABŞ-ın əksər ştatları yerli sakinlərə evlərində qalmaq barədə göstəriş verib. Amerikalılar yalnız mağazaya, həkimə getmək və gəzişmək üçün evlərini tərk edə bilərlər. Hərəkətə məhdudiyyətlər ABŞ-ın 33 ştatında, 89 dairəsində və 29 şəhərində, həmçinin Puerto-Riko və paytaxt Kolumbiya dairələrində tətbiq olunub.

Xatırladaq ki, martın 11-də Dünya Səhiyyə Təşkilatı COVID-19 xəstəliyinə səbəb olan yeni koronovirusun yayılmasını pandemiya elan edib. Təşkilatın son məlumatına görə, artıq dünyada 860 min yoluxma və 42 min 344 ölüm faktı qeydə alınıb.

Birləşmiş Ştatlarda virusa yoluxanların sayı 189,6 min nəfərə, ölənlərin sayı isə 4079 nəfərə çatıb. ABŞ xəstələrin sayına görə dünyada birinci yerdədir.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...